Raica sara na lewena

Na Website ni iVakadinadina i Jiova

Digia na Vosa vakaViti

12 FEPERUERI, 2019
BRAZIL

Kacabote na iLatiniwai e Brazil

Kacabote na iLatiniwai e Brazil

Ena Vakaraubuka na ika25 ni Janueri, 2019, e kacabote na ilatiniwai qai vakavuna na sisi ni qele vakadomobula ena siti o Brumadinho, e toka e Minas Gerais, e Brazil. Era mate kina e rauta na le 150, ra se yali tiko e le 182.

E rauta na le 180 na tacida era lewena na rua na ivavakoso e toka e Brumadinho. E levu vei ira qori era cakacaka tiko ena qaranikoula. Ratou cakacaka tiko ena ilatiniwai e le tini na tacida ena gauna e kacabote kina. E vakadeitaki ni ratou sega ni mavoa e le ciwa, ia e ka ni rarawa ni yali tiko e dua na tacida, e qase ni vavakoso. Kena ikuri, e rauta ni lima na vuvale iVakadinadina i Jiova ratou sa tokitaki, e dua tale ga na vale e vakacacani vakadua.

Sa sikova na vanua e vakacacani qori e dua na lewe ni Komiti ni Tabana e Brazil, kei na ivakatawa ni tabacakacaka. Era sa lai veivakayaloqaqataki vakayalo, ra vakarautaka tale ga na ka ni veivuke vei ira. Meda masulaka mada ga ni na veivakacegui qai tokoni ira tiko ga na Tamada vakalomalagi.—Roma 15:5.