Raica sara na lewena

Na Website ni iVakadinadina i Jiova

Digia na Vosa vakaViti

30 JULAI, 2019
AZERBAIJAN

Soqo ni Veiwasewase Vakairogorogo e Azerbaijan

Soqo ni Veiwasewase Vakairogorogo e Azerbaijan

E vakayacori nodra soqo vakayabaki na iVakadinadina i Jiova e Azerbaijan, ena ika26 ina ika28 ena dua na vale ni soqo na Darnagul Ceremony House, ena koroturaga e Baku. E vakayacori tiko na soqo ni veiwasewase ena yabaki qo, ia e duatani na soqo ni veiwasewase e Baku. E dua dina na soqo vakairogorogo me vakayacori e Azerbaijan, e imatai tale ga ni gauna mera soqo vata kina na ivavakoso kece e Azerbaijan kei Rusia.

Era le 1,500 ga na dautukutuku e Azerbaijan, ia era tiko rawa ena soqo e le 1,938, era papitaiso tale ga e le 33. A soli vakarawarawa vei Brother Mark Sanderson na ivolatara ni curuvanua me rawa ni tiko ena soqo qori. E imatai tale ga ni gauna me veisiko kina e dua na lewe ni iLawalawa Dauvakatulewa ena soqo ni veiwasewase e Azerbaijan. Keimami vakavinavinakataki ira kina na vakailesilesi ena nodra veivakadonui.

E vakasakiti nodra ivakaraitaki ni duavata na tacida. E siqema rawa na vakailesilesi ni vanua ni soqo nodra veilomani, yalovinaka, ra qai veikauaitaki dina na tacida, era bulataka sara ga na ka era vunautaka tiko.

Se saqati tiko ga ena so na gauna nodra galala ni sokalou na tacida e Azerbaijan, ia era vakadonuya na vakailesilesi ni matanitu na galala mera sokalou kina vakalevu. Ena Noveba 2018, e vakadonuya vakalawa na matanitu o Azerbaijan noda cakacaka e Baku. Na veivakadonui qori e rawa kina nira sokalou e matanalevu na tacida.

Eda marau kei ira na tacida e Azerbaijan ena veika vinaka kece qori, kei na cavuikalawa vakasakiti me baleta nodra cakacaka vakalou. E noda masu me vakalougatataki ira tiko ga o Jiova ena nodra sasaga me ‘tauyavutaki vakalawa na itukutuku vinaka’ e Azerbaijan vaka kina e veiyasa i vuravura.—Filipai 1:7.