Raica sara na lewena

Na Website ni iVakadinadina i Jiova

Digia na Vosa vakaViti

17 FEPERUERI, 2014
YATU FILIPAINI

iRogo Vou: Era Vakarautaka na iVakadinadina i Jiova na Cakacaka ni Vakacoko ni Oti na Cava Kaukaua o Haiyan

iRogo Vou: Era Vakarautaka na iVakadinadina i Jiova na Cakacaka ni Vakacoko ni Oti na Cava Kaukaua o Haiyan

MANILA, Philippines—Ena vakacaca ni Cava Kaukaua o Haiyan, era tuvanaka na iVakadinadina i Jiova na nodra vukei na vakaleqai kina.

E tuvanaka na valenivolavola ni tabana ni iVakadinadina i Jiova e Manila e lima na komiti ni vakacoko me vukei ira na vakaleqai. E vakau e 190 vakacaca na tani na ka ni veivuke ena dua na yasa i Filipaini. Era veivuke tale ga na iVakadinadina era tiko ena rauta ni 10 tale na vanua. Era bolecakacaka me vakavinakataki qai tara tale e 2,000 vakacaca na vale se na veiqaravi vakavuniwai.

E le 225 era tiko ena valelaca era vakarautaka na iVakadinadina volekata na siti o Calbayog, Samar. Rauta ni 15 ina 20 na pasede vei ira qori era sega ni iVakadinadina.

Ni oti na revurevu ni cava kaukaua e tubu na iwiliwili ni tamata era mate ina 6,201 qai 1,785 era se sega ni kune. Era mavoa e rauta ni 28,000, qai 1 na milioni vakacaca na vale e vakacacani. E vakadeitaka na valenivolavola ni tabana ni iVakadinadina i Jiova e Manila, ni le 33 vei ira na mate era iVakadinadina, e 10 era se sega ni kune e nanumi nira sa mate tale ga.

Ena ika7 ni Tiseba, 2013 a sikova o Mark Sanderson e lewe ni iLawalawa Dauvakatulewa ni iVakadinadina i Jiova na lima na vanua e vakacacani. E rauta ni vitu na siga na nona veisiko. E kaya: “Dua na ka na vakacaca ni Cava kaukaua o Haiyan, era se vakila tiko ga e levu ena Yatu Filipaini na kena revurevu; keimami tu vakarau me keimami vakarautaka tiko ga na veika e gadrevi, o ira na rawa ni veivuke, kei na neimami veivakacegui vei ira na vakaleqai kina.”

Gusunivosa:

Veiyasa i vuravura: J. R. Brown, Valenivolavola ni iTukutuku, talv. +1 718 560 5000

Yatu Filipaini: Dean Jacek, talv. +63 2 411 6090