Raica sara na lewena

Na Website ni iVakadinadina i Jiova

Digia na Vosa vakaViti

ME 16, 2017
IROGO MAI VEIYASA I VURAVURA

Tekivu na Nodra Soqo na iVakadinadina i Jiova

Tekivu na Nodra Soqo na iVakadinadina i Jiova

NIU YOKA—Ena tekivu tiko ena ika19 ni Me, 2017, na nodra soqo siga tolu na iVakadinadina i Jiova e dau vakayacori e veiyabaki, e kena usutu “Kua ni Soro!” Ena caka tiko ena vica vata na vanua e veiyasa i vuravura me yacova na itekitekivu ni 2018. Me vaka ga e dau caka e veiyabaki, era na vakaitavi tiko na iVakadinadina i Jiova ena veiyasa i vuravura mera sureti ira na lewenivanua.

E sega ni lavaki na icurucuru se soli. E kaya o David A. Semonian na mata ni iVakadinadina i Jiova ena itikotiko liu e Warwick, Niu Yoka. “Keimami nuitaka ni levu era na gole mai ena yabaki qo.”

E 52 taucoko na itavi ena porokaramu qo, ena duidui tale ga na kena iwalewale, me vaka na ivunau leleka, na veitarotarogi kei na saravi ni vidio leleka. Kena ikuri, ena saravi tale ga e dua na vidio e wasei vakatolu ena veiyakavi, e kena usutu Nanuma na Wati Loti. E tiko ena jw.org na tikinisiga kei na vanua ena vakayacori kina na soqo. Ke ra via kila na tabana ni itukutuku eso tale na ivakamacala, mera veitaratara ina valenivolavola ni tabana ni iVakadinadina i Jiova era voleka kina, ra qai vakaraitaka na yaca ni nodra daunitukutuku ena mai tabaka se volatukutukutaka na soqo.

E kaya o Semonian: “Na ituvaki dredre nikua e rawa ni kauta tani noda vakacegu, era lai vakasamataka kina eso mera soro. Na soqo ni veiwasewase ena yabaki qo ena yaga vei ira na iVakadinadina i Jiova kei ira na sureti, ni na uqeti keda kece meda vosota tiko ga da qai kua ni soro.”

Gusunivosa:

David A. Semonian, Vale ni volavola ni iTukutuku, +1-845-524-3000