Raica sara na lewena

Na Website ni iVakadinadina i Jiova

Digia na Vosa vakaViti

4 JUNE, 2014
IROGO MAI VEIYASA I VURAVURA

Tekivu Nodra Soqo ni Veimatanitu na iVakadinadina

Tekivu Nodra Soqo ni Veimatanitu na iVakadinadina

NIU YOKA—Ena tekivu tiko na imatai ni nodra soqo siga tolu ni veimatanitu na iVakadinadina i Jiova e kena usutu “Vakaliuca Tiko ga na Matanitu ni Kalou!” ena mataka ni Vakaraubuka ena ika6 ni June 2014, e Ford Field e Detroit, Michigan, mai Merika. Era na vakarorogo qai sarava eso na porokaramu na veivanua me vakataki Arizona, Kalifonia, Florida, Illinois, Missouri, New Jersey, kei North Carolina, qai vakadewataki ena vosa vakaAlbania, Korea, vakaPoladi, kei na vakaPotukali.

E tukuna o J. R. Brown, na mata ni iVakadinadina i Jiova ena nodra itikotiko liu e Brooklyn, Niu Yoka: “Sa oti qo e tolu na macawa nodra veisureti na iVakadinadina mai Detroit, kei ira na tiko ena siti era na sema mai ina soqo vakasakiti qo. Keimami namaka mai Detroit mera tiko ena soqo qo e dua na iwiliwili levu, rauta ni 45,000 wili kina o ira na le 2,000 vakacaca na vulagi era gole mai Ositerelia, Kenada, Jamani kei Taiwan.”

Ena vulaikatakata ena caka tiko e 16 na nodra soqo ni veimatanitu na iVakadinadina ena valenisarasara lelevu mai Merika ena tini na yasayasa. Ena so na vanua ena caka ga kina eso se na porokaramu taucoko ena vosa vakaAlbania, vosa vagalu ni Merika, Arapea, Armenia, Cantonese, Chuukese, vakaVaranise, Kirisi, Haiti Creole, Idia, Iloko, Idonisia, Itali, Japani, Korea, Mandarin, Marshall, Perisia, Poladi, Romania, Rusia, Samoa, Sipeni, Tagalog, Twi, kei Vietnam. Ena itekivu ni June 2014 ina 2015, ena caka tiko na soqo ni veimatanitu e Ositerelia, Ecuador, Igiladi, Jamani, Kirisi, Mexico, Sauca Korea kei Zimbabwe.

Gusunivosa:

Veiyasa i vuravura: J. R. Brown, Valenivolavola ni iTukutuku, talv. +1 718 560 5000