Raica sara na lewena

Na Website ni iVakadinadina i Jiova

Digia na Vosa vakaViti

OKOSITA 1, 2014
IROGO MAI VEIYASA I VURAVURA

Sasaga na iVakadinadina Mera Kacivaka na Website Vakadewataki Vakalevu Duadua, na JW.ORG

Sasaga na iVakadinadina Mera Kacivaka na Website Vakadewataki Vakalevu Duadua, na JW.ORG

NIU YOKA—Ena 1 ni Okosita 2014 era na veisoliyaka na iVakadinadina i Jiova ena loma ni dua na vula e vuravura raraba na tikidua vou e kena ulutaga, Eda na Raica e Vei na iSau ni Taro Bibi me Baleta na Bula? me kilai kina na nodra website vakadonui na jw.org. E tu vakarawarawa kina e 500 na vosa, wili kina na kena rawa ni download na ivola ena 700 na vosa. Na jw.org website e vakadewataki vakalevu duadua e vuravura.

E sivia e dua na milioni era dau rai ena jw.org e veisiga. E laurai kina na vidio e lewena na ivakasala yaga vei ira na yabaki ni bula kece, na duidui isususu kei na ituvaki. Na QR code ena tikidua vou ena kauti keda sara ena vidio e kena ulutaga Vuna mo Vulica Kina na iVolatabu. E vakaraitaki ena vidio na yaga ni vuli iVolatabu. Tekivu mai na gauna e sevutaki kina ena 18 Noveba, 2013 sa rawa ni laurai na vidio ena 450 vakacaca na vosa, qai volekata na 4 na milioni na kena download.

E tukuna o J. R. Brown na mata ni iVakadinadina i Jiova mai na itikotiko liu e Brooklyn, Niu Yoka: “Dua na ka na neimami vakanamata ena sasaga qo. E rauta ni walu na milioni na iVakadinadina i Jiova e veiyasa i vuravura, keimami na vakaitavi kece ena kena vakaraitaki na website qo. Kena irairai ni qo e dua na sasaga levu keimami bau cakava.”

E tukuna o Geoffrey Jackson e lewe ni iLawalawa Dauvakatulewa ni iVakadinadina i Jiova: “Ni tekivu ena rua na yabaki sa oti, era raica na tamata e veiyasa i vuravura ni yaga vakalevu na jw.org. Rawa ni saravi kina na vidio kei na ulutaga me vukei ira na luvemu, nomu vuvale, kei na nomu wilika sara ga kina na iVolatabu. Keitou vinakata me yaga vakalevu na jw.org, ya tale ga na vuna keitou nanuma kina me caka na sasaga lavotaki qo.”

Gusunivosa:

Veiyasa i vuravura: J. R. Brown, Valenivolavola ni iTukutuku, talv. +1 718 560 5000