Raica sara na lewena

Na Website ni iVakadinadina i Jiova

Digia na Vosa vakaViti

1, ME 2018
IROGO MAI VEIYASA I VURAVURA

Soqo ni Veiwasewase ni iVakadinadina i Jiova 2018

Soqo ni Veiwasewase ni iVakadinadina i Jiova 2018

NIU YOKA—Ena tekivu tiko nodra soqo na iVakadinadina i Jiova ena Vakaraubuka na ika18 ni Me, 2018. E kena ulutaga “Mo Yaloqaqa!” Ni bera na siga ni soqo, era na veisureti na iVakadinadina kece e veiyasa i vuravura vei ira na via tiko kina. E sega ni saumi na icurucuru, ena caka tiko na soqo ena 180 na duidui vanua.

E vakarautaki e 54 na ulutaga ena soqo siga tolu qo, e okati kina na ivunau, drama rogoci, veitarotarogi, kei na vidio leleka. E vakarautaki tale ga e dua na iyaloyalo, e kena ulutaga Na iTalanoa kei Jona—Vulica na Yaloqaqa kei na Yalololoma, ena saravi ena iotioti ni siga ni soqo. Ena siga yadua e rua na iwasewase ni porokaramu, ena tekivutaki ni saravi na vidio ni ivakatagi e vakarautaki sara ga me baleta na soqo.

E kaya o David A. Semonian na gusunivosa ni iVakadinadina i Jiova: “Nida sarava na nius nikua, eda raica nira vakila na tamata kece na nuiqawaqawa kei na rere ni vakatauvatani ena veigauna sa oti. E vinakati na yaloqaqa ena ituvaki va qori. Oni sureti gona ena soqo ni yabaki qo moni raica na sala ena yaga kina na ivakasala vakaivolatabu.”

Raica ena jw.org na tikinisiga kei na vanua ena vakayacori kina na soqo.

Media Contact:

David A. Semonian, Valenivolavola ni iTukutuku, +1-845-524-3000