Raica sara na lewena

Na Website ni iVakadinadina i Jiova

Digia na Vosa vakaViti

NOVEBA 21, 2014
UKRAINE

iRogo Vou: Veivuke na iVakadinadina i Jiova e Ukraine Vei Ira na Udolu Vakacaca na Tokitaki

iRogo Vou: Veivuke na iVakadinadina i Jiova e Ukraine Vei Ira na Udolu Vakacaca na Tokitaki

LVIV, Ukraine—Era tomana tiko ga na iVakadinadina i Jiova nodra vukei ira na vakabauta vata, era tokitaki ena vuku ni ivalu ena tokalau kei Ukraine.

Era drovaka na ivalu e rauta ni le 7,500 na iVakadinadina. E tuvanaka na valenivolavola ni tabana ni iVakadinadina i Jiova e vitu na komiti ni vakacoko me qarava e rauta ni le 4,000 vei ira qori. Na kena vo era lai tiko vei ira na wekadra kei ira na vakabauta vata e Ukraine kei Rusia. E ono tale na komiti ni vakacoko e qaravi ira tiko na 17,500 vakacaca na iVakadinadina era se tiko ena vanua e yaco tiko kina na ivalu.

Ni tekivu na ivalu, e vakadeitaka na valenivolavola ni tabana e Lviv ni ratou mate e le ono na iVakadinadina. E dua na iVakadinadina e Kramatorsk e mate ena ika17 ni June 2014, ni kacabote na gasaukuro ena yasa ni motoka e vodo tiko kina. E le lima tale na iVakadinadina ena siti o Donetsk, Sloviansk, Rozkishne, kei Luhansk eratou mate ena kacabote ni gasaukuro.

E vakarautaka na valenivolavola ni tabana na cakacaka ni vakacoko ena kena tara tale na nodra vale na iVakadinadina kei na nodra vanua ni sokalou.

Gusunivosa:

Veiyasa i vuravura: J. R. Brown, Valenivolavola ni iTukutuku, talv. +1 718 560 5000

Ukraine: Vasyl Kobel, talv. +38 032 240 9323