Raica sara na lewena

Na Website ni iVakadinadina i Jiova

Digia na Vosa vakaViti

1 ME, 2018
RUSIA

Saga o Rusia me Taura Vakaukaua na Vanua e Taukena na iSoqosoqo ni iVakadinadina i Jiova

Saga o Rusia me Taura Vakaukaua na Vanua e Taukena na iSoqosoqo ni iVakadinadina i Jiova

NIU YOKA—Ena ika3 ni Me, 2018 ena rogoca kina na Mataveilewai na Saint Petersburg City na nodra kerekere na iVakadinadina i Jiova me bokoci e dua na vakatulewa me tauri vakaukaua nodra valenivolavola e liu e tiko mai Rusia. Ke sega ni vakadonui na kerekere qori ena taura vakaukaua na 14 na yatu vale qori na Matanitu. Na levu ni vanua qori e rauta ni 25 na eka, kena isau e tiko ena rauta na $31.8 na milioni (2 na bilioni na ilavo na ruble).

Na vakatulewa ena mataveilewai na Sestroretskiy District Court ena Tiseba 2017, e sega ni kauaitaka mada ga na ivakadinadina ni valenivolavola e nona na isoqosoqo e kilai vakalawa na Watch Tower Bible and Tract Society of Pennsylvania (WTPA), e tiko mai Merika qai sega ni dau saga me rawa tubu ena ka e cakava. Ena 2000, era solia na iVakadinadina i Jiova e Rusia na vanua ina WTPA sa sauma kina na WTPA e rauta ni $3 na milioni (188 na milioni na ilavo na ruble) me ivakacavacava ina Matanitu o Rusia. E kila tu na matanitu o Rusia na veivoli qori a vakalawataki ena sivia na 17 na yabaki, sa tukuna tale qo na mataveilewai ni yasana ni sega ni yaga na konitaraki ni WTPA qori. E tukuna na mataveilewai nira taukena na itikotiko qori na tabana ni ivakadinadina e kilai me Witnesses’ Administrative Center (AC) e Rusia. Ia na sogota na Mataveilewai Cecere na tabana qori ena 2017, ke sega ni vakadonui tale nodra kerekere na iVakadinadina sa na vakaukauataki na vakatulewa qori me sa taura sara ga na vanua qori na Matanitu.

Ena rogoci tiko na veilewai ena veimama ni 11 ena mataka e mataveilewai na Saint Petersburg City Court, ul. e Basseynaya, 6, St. Petersburg, mai Rusia.

Gusunivosa:

Veiyasa i Vuravura: David A. Semonian, Valenivolavola ni iTukutuku, +1-845-524-3000