Raica sara na lewena

Na Website ni iVakadinadina i Jiova

Digia na Vosa vakaViti

JULAI 4, 2017
KAZAKHSTAN

Sogo tu vakawawa na Valenivolavola ni Tabana ni iVakadinadina i Jiova e Kazakhstan

Sogo tu vakawawa na Valenivolavola ni Tabana ni iVakadinadina i Jiova e Kazakhstan

E vakatulewataka e dua na mataveilewai e Kazakhstan ena ika29 ni June, 2017 me sogo na valenivolavola ni iVakadinadina i Jiova e Almaty me tolu na vula. Me sauma tale ga na valenivolavola e rauta ni $680,000 na ilavo vaKazakhstan (qori e $2,107 na ilavo ni Merika).

E yavutaka na mataveilewai nona vakatulewa ni oti nodra curuma vakatawadodonu na vakailesilesi na valenivolavola ena ika17 ni Me, 2017. Na veivaqaqai qori e veitalanoataki vakalevu ena itikotiko, nira veivakarerei kina e rauta ni 40 vakacaca na vakailesilesi era vakaiyaragi eso era vakamatavulo nira curuma na valenivolavola. Era mani kauta na iVakadinadina i Jiova na nodra kudru ina mataveilewai ena ka e yaco qori.

Ena ika5 ni June, 2017 era vakadikeva na ovisa na valenivolavola, era kaya kina na vakailesilesi ni so na iyaya e tu kina e vakatabui vakalawa. Ia era sega ni duavata na iVakadinadina ena veivaqaqai tawadodonu qori.

Na ka e yaco qo e Kazakhstan e vakaraitaka na ka era saga na ovisa mera veivakarerei kina, kei na veivakacacani era sotava tiko na iVakadinadina i Jiova e Rusia. Sa vakatulewataka na matanitu me vakatabui na nodra cakacaka na iVakadinadina i Jiova ena vanua qori. Era na kauta na iVakadinadina i Jiova ina mataveilewai na nodra kisi qo ena ika29 ni June, ena qai rogoci ena ika14 ni Julai, 2017.

Gusunivosa:

Veiyasa i vuravura: David A. Semonian, Valenivolavola ni iTukutuku, +1-845-524-3000

Kazakhstan: Bekzat Smagulov, +7-747-671-45-01