Raica sara na lewena

Na Website ni iVakadinadina i Jiova

Digia na Vosa vakaViti

SEVITEBA12, 2014
JAMANI

Vakananumi e Sachsenhausen na iVakadinadina i Jiova a Vakamatei Vei ira na Nazi

Vakananumi e Sachsenhausen na iVakadinadina i Jiova a Vakamatei Vei ira na Nazi

SELTERS, Jamani—E tuvanaka na Brandenburg Memorials Foundation me vakayacori e dua na ivakananumi ena ika16 ni Seviteba, 2014. Qo na ika75 ni yabaki ni ivakananumi ni nona vakamatei o August Dickmann ena keba ni veivakararawataki e Sachsenhausen donuya na iKarua ni iValu Levu. O koya na imatai ni lewenivanua me vakamatei ni sega ni via curu ena mataivalu ena vuku ni nona vakabauta.

A vesu ena keba ni veivakararawataki ena Okotova 1937. E dua na iVakadinadina i Jiova, qai vesu sara ga ena vuku ni ka e vakabauta. Ena 1939, ni oti ga e tolu na siga na kena carubi na iKarua ni iValu Levu, era vakaroti Dickmann na Gestapo me sainitaka e dua na kad me lewena na mataivalu ni Jamani. A sega ni via cakava qori o koya, mani sogo taudua tu ena dua na rumu. A kerea sara na komada vua na iliuliu ni vakailesilesi ni valeniveivesu me vakamatei o Dickmann e matadra na vo ni kaivesu. Ena ika15 ni Seviteba, 1939, era vakasaurarataki e drau vakacaca na iVakadinadina i Jiova wili kina na tacina o Heinrich mera raica na nona vakamatei. Oti e rua na siga, e volatukutukutaka mai Jamani na New York Times: “Era vanalaki August Dickmann, yabaki 29 e dua na ilala sotia ena vanua qo.” E kuria na niusipepa qori ni totogitaki o Dickmann ni a sega ni via curu ena mataivalu ena “vuku ni vakabauta vakalotu.”

Ena ika18 ni Seviteba, 1999, a biu e dua na ivakananumi ena lalaga ni keba ni veivakararawataki e Sachsenhausen. Qori mera vakananumi kina na sivia na 890 na iVakadinadina i Jiova era a vesu. A dua tale ga na ivakananumi kei Dickmann.

A tekivu sara ga na ivakananumi ena ika16 ni Seviteba, 2014 ena vanua e koto kina na kena ivakananumi. Oti qori ena qai rogoci nodra ivakamacala eso ena rumu a nodra valenikuro tu e liu ni kaivesu. E vulagi dokai ena soqo ni ivakananumi qori o Parofesa Detlef Garbe, a tauyavutaka na iVakananumi ni Keba ni Veivakararawataki e Neuengamme.

Gusunivosa:

Veiyasa i vuravura: J. R. Brown, Valenivolavola ni iTukutuku, talv. +1 718 560 5000

Germany: Wolfram Slupina, talv. +49 6483 41 3110