Raica sara na lewena

Na Website ni iVakadinadina i Jiova

Digia na Vosa vakaViti

6 EPERELI, 2016
HUNGARY

Kedra iVakananumi na iVakadinadina Era Vakamatei ena Gauna i Itala

Kedra iVakananumi na iVakadinadina Era Vakamatei ena Gauna i Itala

BUDAPEST, Hungary—A cereki e dua na vatu ni ivakananumi e Budapest, me kedratou ivakananumi e va na iVakadinadina i Jiova eratou vakararawataki ena gauna i Itala. A vakayacori na soqo qori ena ika11 ni Tiseba, 2015.

Eratou sega ni via curu ena mataivalu donuya na iKarua ni iValu Levu o Lajos Deli, Antal Hönisch, Bertalan Szabό, kei János Zsondor. Eratou mani vakamatei ena korolevu o Körmend kei Sárvár ena Maji 1945. E volai tu ena vatu ni ivakananumi na yacadratou, kei na ka e volai ena Cakacaka 5:29: “E dodonu me keitou talairawarawa ga vua na Kalou ni iliuliu, sega vua na tamata.”

E kaya e dua na vakailesilesi o Dr. Csaba Latorcai: “Qo na kedratou ivakananumi na le va na cauravou iVakadinadina i Jiova, . . . o ira na iVakadinadina i Jiova era muria na ivakaro me ‘kua na veivakamatei, era muria tale ga nodra lewaeloma mera kua ni lave iyaragi vei ira era vakabauta vata kei ira na kainodra.”

A vosa tale ga ena soqo o Dr. Szabolcs Szita na iliuliu ni Holocaust Memorial Center, qai kaya: “Dua na qaqa vei ira na iVakadinadina i Jiova na cereki ni vatu ni ivakananumi qo, baleta ni sega tu ni dau kauaitaki na veika era sotava ena gauna ni veiliutaki i Itala. Na dei ni nodratou vakabauta na va na cauravou qo, e vu ni nodratou yalodina tiko ga me yacova na mate. Eratou ivakaraitaki vinaka vei keda kece nikua.”

Gusunivosa:

Veiyasa i vuravura: David A. Semonian, Valenivolavola ni iTukutuku, talv. +1 718 560 5000

Hungary: András Simon, talv. +36 1 401 1118