Raica sara na lewena

Na Website ni iVakadinadina i Jiova

Digia na Vosa vakaViti

NOVEBA 11, 2014
HONDURAS

Coqa Vakaloloma ni Basi e Honduras

Coqa Vakaloloma ni Basi e Honduras

Ena mataka ni ika31 ni Okotova 2014, e coqa na basi e biubiu mai San Carlos Choloma me gole i Las Flores Lempira, era vodo tiko kina e 57 na iVakadinadina i Jiova era bole mera lai caka vuli iVolatabu e kea. E mate kina na draiva kei na le tinikatolu na pasidia era iVakadinadina i Jiova, wili kina e rua na goneyalewa yabaki tinikava kei na dua na goneyalewa yabaki walu. O ira na le 44 na iVakadinadina era bula, era lai laurai e valenibula. E rua ga erau mavoa levu qai gadrevi me rau qaravi vakavuniwai, rau sa suka tale e vale. Era lai veivakayaloqaqataki na nodra itokani iVakadinadina, ra qai vakarautaka na veika era gadreva. Ena 1 ni Noveba 2014, eratou bulu i liu e Choloma na le ciwa na mate. E rauta ni 3,000 era tiko ena veibulu.

O José Castillo e dua na mata ni iVakadinadina i Jiova e Honduras, e kaya: “Keitou vakavinavinakataka na nodra veitokoni na lewenivanua kei na kabani era veivuke vei ira na vakaleqai ena ka vakaloloma qo.”

Gusunivosa:

Veiyasa i vuravura: J. R. Brown, Valenivolavola ni iTukutuku, talv. +1 718 560 5000

Honduras: José Castillo Adriano, talv. +504 9998 0895

Mexico: Gamaliel Camarillo, talv. +52 555 133 3048