Raica sara na lewena

25 JULAI, 2014
CROATIA

Vakacoko ena Yasayasa vakaBalkan

Vakacoko ena Yasayasa vakaBalkan

ZAGREB, Croatia—E yavala totolo na komiti ni vakacoko kei ira na mata ena valenivolavola ni tabana ni iVakadinadina i Jiova, e Jamani me vukei ira na vakaleqai ena waluvu vakadomobula duadua me bau yaco e Bosnia-Herzegovina, Croatia, kei Serbia. Na bisa ni uca ena yasayasa vakaBalkan mai na ika13 ina ika15 ni Me, 2014 e lai vakavuna na waluvu kei na sisi ni qele ena rauta na 3,000 na vanua.

Era yavala totolo na komiti ni vakacoko me vakarautaki vei ira na vakaleqai na sala ni veitosoyaki, kakana, isulu, kei na vale mera tu kina vakawawa. A sega ni vakaleqai se mavoa e dua na iVakadinadina i Jiova, ia e vakacacani se vakaleqai vakadua e rauta ni 14 na nodra vale. A vakarusai tale ga vakadua e dua na vanua era dau sokalou kina. Era qarava na komiti na kena vakavinakataki na vale era vakacacani, e tara tale ga eso na vale rawarawa mera tawana o ira na valeqai vakadua nodra vale.

E kaya o Josip Liović e dua na mata mai na valenivolavola ni tabana ni iVakadinadina i Jiova e Croatia: “E lutu sara ga na icegu ni keimami rogoca ni sega ni dua ena neimami ivavakoso e vakaleqai, ia keimami sa nanumi ira dina era lolositaka tiko na takali ni lewe ni nodra vuvale se itokani. Keimami saga tiko vagumatua me keimami lai vakacegui ira na lewenivanua ena yasayasa vakaBalkan. Dua na ka na neimami vakavinavinakataka tale ga nodra mai veivuke na neimami itokani mai Jamani ena tuvanaki ni vakacoko me na vakayacori ena vica na vula sa tu qo e liu.”

Gusunivosa:

Veiyasa i vuravura: J. R. Brown, Valenivolavola ni iTukutuku, talv. +1 718 560 5000

Croatia: Josip Liović, talv. +385 91 5336 511

Serbia: Daniel Domonji, talv. +381 11 405 99 00