Raica sara na lewena

MAJI 28, 2023
IROGO MAI VEIYASA I VURAVURA

Vakacaca na Cagilaba o Freddy

Vakacaca na Cagilaba o Freddy

E vakacaca ena Tokalau kei Aferika na cagilaba o Freddy, qo e dua na cagilaba balavu duadua me volatukutukutaki. Ena Feperueri 2023, sa tekivu vakacaca tiko vakalevu ena yasayasa qori. Ena ika21 ni Feperueri 2023, e vakacaca e Madagascar, oti e vica na siga e lai vakacaca e Mozambique, kei Malawi. Dua na ka na levu ni vakacaca e cakava, e qai ravuti Mozambique tale ena ika11 ni Maji 2023. E vakacacani vakalevu na yasayasa o Madagascar, Malawi, kei Mozambique. Na kaukaua ni cagi kei na bi ni uca, e vakavuna na waluvu qai vakacacani na veivale. E sivia ni le 500 era sa takali, okati tale ga kina eso na tacida. Era tokitaki tale ga e vica vata na udolu na lewenivanua.

Me yacova mai na ika27 ni Maji 2023, qo na iwiliwili e tauri rawa mai vei ira na tacida. Ia e rawa ni tubu na iwiliwili qo, nira se bera ni dikeva oti na tacida na levu ni ka e vakacacani ena vanua e dredre me lakovi.

Kedra iTuvaki na Tacida

Madagascar

  • Era tokitaki e le 256 na tacida kei na so tale na lewe ni nodra vuvale

  • Vakarusai e 8 na vale

  • Vakacacani e 29 na vale

  • Vakacacani e 3 na Vale ni Soqoni

Malawi

  • Ka ni rarawa ni ratou mate e le 8 na tacida, ratou se yali tiko e le 6

  • Mavoa e le 3 na tacida

  • Tokitaki e rauta ni le 4,300 na tacida kei na so tale nodra lewenivuvale

  • Vakarusai e 821 na vale

  • Vakacacani e 174 na vale

  • Vakacacani e 20 na Vale ni Soqoni

Mozambique

  • Ka ni rarawa ni mate e 1 na tacida, e 1 tale ga e se yali tiko

  • Tokitaki e le 880 na tacida kei na so tale nodra lewenivuvale

  • Vakarusai e 248 na vale

  • Vakacacani e 185 na vale

  • Vakacacani e 7 na Vale ni Soqoni

Cakacaka ni Vakacoko

  • E dredre me lakovi e levu na vanua e vakacacani

  • Sa vakarautaka na Komiti ni Vakacoko na kakana, wai, kei na vanua mera tiko kina na tacida era vakaleqai

  • E veivakayaloqaqataki tiko e dua na lewe ni Komiti ni Tabana vei ira na tacida era tokitaki e Chókwè, e Mozambique

    Sa vakarautaki e dua na vanua ena yasayasa o Gaza e Mozambique, mera tiko vakawawa kina e le 167 na tacida, kei na nodra lewenivuvale era vakaicili tiko ena Vale ni Soqo Lelevu. E drau vakacaca tale era vakaicili tiko ena Vale ni Soqoni, kei na so na vale ena yasayasa qori

  • Sa vakavinakataki e rauta ni 16 na vale

  • Era sa veivakayaloqaqataki tiko na lewe ni Komiti ni Tabana, ivakatawa ni tabacakacaka kei ira na qase ni ivavakoso vei ira na tacida era vakaleqai. Era vakarautaka tale ga na ka ni veivuke

Dina nira sotava na tacida na ituvaki dredre, ia era soqoni tiko ga ra qai veivakayaloqaqataki. Eda nuidei ni o Jiova ena solia vei ira na “kaukaua e uasivia na kaukaua ni tamata” me rawa nira vosota.—2 Korinica 4:7.