Kɔ no mu nsɛm no do

Woana Ankasa Na Odzi Wiadze yi Do Tum?

Woana Ankasa Na Odzi Wiadze yi Do Tum?

Isusu dɛ ɔyɛ . . .

  • Nyankopɔn?

  • adasamba?

  • Satan Abɔnsam?

 DZA BIBLE NO KYERƐKYERƐ NYE YI

“Wiadze nyina da ɔbɔn no mu.”—1 John 5:19.

“Iyi ntsi wɔdaa Nyankopɔn Ba edzi ama ɔaasɛɛ abɔnsam ndwuma.”​—1 John 3:8, Nwoma Krɔnkrɔn, Fante Bible.

MFASO A IYI BƐMA ENYA

Ɔma ihu siantsir a ɔhaw ebu do wɔ wiadze yi mu.​—Nyikyerɛ 12:12.

Dza ibotum egyina do agye edzi dɛ hɛn wiadze yi bɛsesã ayɛ papa.​—1 John 2:17.

 ASO YEBOTUM AGYE DZA BIBLE NO KYERƐKYERƐ ATO MU?

Nyew, nsɛm ebiasa a odzidzi do yi ma yehu dɛ hɛn wiadze yi bɛsesã ayɛ papa:

  • Satan no tumdzi no esi ɔsɛɛ kwan do. Jehovah esi nketse dɛ obeyi Satan no tumdzi no efi hɔ. Ɔabɔ anohoba dɛ ‘ɔbɛma Abɔnsam no tum ayɛ kwa’ na oeesiesie dza Satan asɛɛ no nyina.​—Hebrewfo 2:14.

  • Nyankopɔn eyi Jesus Christ dɛ ondzi wiadze yi do tum. Abɔnsam a ndɛ ɔyɛ wiadze yi do hen no yɛ otsiɔdzennyi ndabrabanyi. Naaso Jesus nntse dɛm koraa. Nyankopɔn abɔ anohoba dɛ, Ɔhen Jesus bohu ‘ɔbrɛfo na ohianyi mbɔbɔr . . . ɔbɛgye hɔn akra efi ahyɛdo na akatabansɛm mu.’​—Ndwom 72:13, 14.

  • Nyankopɔn nntum nndzi ator. Bible no kã no pefee dɛ: “Nyankopɔn . . . dzi ator a ɔnnyɛ” yie. (Hebrewfo 6:18) Jehovah n’anohoba ba mu pɛpɛɛpɛr a no mu kor mpo nntɔ famu! (Isaiah 55:10, 11) “Wɔbɔtow wiadze yi hen akyen.”​—John 12:31.

 SUSU ASƐMBISA YI HO

Sɛ woyi Satan fi hɔ a, wiadze yi mu asetsena bɛyɛ dɛn?

Bible no dze asɛmbisa yi ho mbuae ma wɔ NDWOM 37:10, 11 nye NYIKYERƐ 21:3, 4.