Aso ebɛpɛ dɛ eyɛ pii wɔ Jehovah no som mu wɔ Nkaadzi ber no mu anaa? (2Co 5:14, 15) Wɔ March na April mu no, akwampaae aboafo botum dze ndɔnhwer 30 anaa 50 akã asɛmpa no. Hɔn a wɔpɛ dɛ wɔdze hɔnho hyɛ dwumadzi soronko yi mu no botum agye no ho fɔɔm no bi na wɔaahyehyɛ ama Asafo Ɔsom Egyinatukuw no. Wɔ bosoom biara mu no, asafo no dze hɔn a wɔapen hɔn do dɛ wɔnsom dɛ akwampaae aboafo no edzin bɔto gua wɔ dɛm bosoom no mu. Iyi bɛma asafo no mufo nkaa no etum aboa akwampaaefo no wɔ asɛnka mu. Ɔmbra dɛ hɛn nyinara dze ho kwan ahorow a yebenya wɔ Nkaadzi ber no mu no bedzi dwuma yie, ama yeetu mpon wɔ hɛn asɛnka edwuma no mu na yaahyɛ afofor nkuran.​—1Th 5:11.