Kɔ no mu nsɛm no do

Kɔ no mu nsɛm a wɔahyehyɛ no do

 CHRISTIANFO ASETSENA

Ebɛnadze Na No Ho Hia Me Papaapa?

Ebɛnadze Na No Ho Hia Me Papaapa?

Jacob nye ɔbɔfo bi tetaree dze hwehwɛɛ biribi a no ho hia papaapa​—Jehovah ne nhyira. (Ge 32:24-31; Ho 12:3, 4) Hɛn so ɛ? Aso yɛwɔ ɔpɛ dɛ yɛbɛyer hɛnho ayɛ dza yebotum biara dze etsie Jehovah na yeenya ne nhyira? Dɛ nhwɛdo no, sɛ asafo nhyiamu ber sõ, na dɛm aber no ara so ɔba no dɛ ɔwɔ dɛ yɛkyɛr wɔ edwuma mu kakra so a, ebɛn gyinae na yebesi? Sɛ yɛdze hɛn ber, hɛn ahoɔdzen, nye hɛn ahonyadze ne fã a ɔsom bo no ma Jehovah a, obohue ne nhyira egu hɛn do ma ɔaabor do. (Mal 3:10) Ɔbɔbɔ hɛnho ban na ɔdze dza yehia biara aama hɛn.​—Mt 6:33; Heb 13:5.

HWƐ VIDEO A WƆATO DZIN FA W’ADWEN SI SUNSUM AFAMU BOTAE AHOROW DO NO, NA YIYI NSƐMBISA A ODZIDZI DO YI ANO:

  • Ebɛn kwan do na biribi a akyerɛbaa no enyi gye ho no sɔɔ no hwɛe?

  • Ebɛn kwan do na hɛn edwuma botum abɛyɛ nsɔhwɛ ama hɛn?

  • Ɔmmfa ho dɛ nna Timothy enyin abɛyɛ Christiannyi a noho akokwaa no, nna ebɛnadze ntsi ɔwɔ dɛ ɔkɔ do dze sunsum afamu botae ahorow sisi n’enyi do?​—1Ti 4:16.

  • Ebɛnadze na no ho hia wo papaapa wɔ w’asetsena mu?

    Yɛyɛ dɛn kyerɛ dɛ edwuma bi ho hia hɛn kyɛn biribiara?