Kɔ no mu nsɛm no do

Kɔ no mu nsɛm a wɔahyehyɛ no do

Aso Ebɛyɛ Jehovah N’apɛdze?

Aso Ebɛyɛ Jehovah N’apɛdze?

Yɛda wo ase dɛ agye ber dze ahwehwɛ nwomaba yi mu mbrɛ ɔbɛyɛ a ibohu nkorɔfo kor a Jehovah Adasefo yɛ no yie, esũa hɛn som mu dwumadzi ahorow no ho adze, na ahwehwɛ mbrɛ hɛn ahyehyɛdze no dzi dwuma no mu. Yɛwɔ enyidado dɛ iyi aboa wo ma ehu dɛ hɛn na yɛreyɛ Jehovah n’apɛdze ndɛ. Yɛhyɛ wo nkuran dɛ kɔ do ara nya Nyankopɔn ho nyimdzee, kã dza irusũa no ho asɛm kyerɛ w’ebusuafo nye w’anyɛnkofo, na taa bra hɛn Christianfo nhyiamu ahorow no ase.​—Hebrewfo 10:23-25.

Ebɛba ebohu dɛ mpɛn dodow a ekɔ do sũa Jehovah no ho adze no, mpɛn dodow noara so na ibohu mbrɛ ɔdɔ wo ankasa. Iyi bekenyan wo ma aayɛ dza ibotum nyinara adɔ Jehovah so bi. (1 John 4:8-10, 19) Naaso, ebɛn kwan na ebɛfa do ada ɔdɔ a ewɔ ma Nyankopɔn no edzi wɔ w’asetsena mu? Ebɛnadze ntsi na setsie a ebɛyɛ ama abrabɔ gyinapɛn a ɔdze ama hɛn no ye ma wo? Na ebɛnadze na ɔbɔboa wo ma eenya ɔpɛ dɛ enye hɛn bɔbɔ mu ayɛ Nyankopɔn n’apɛdze? Wo Bible kyerɛkyerɛfo no enyi bɛgye ho dɛ ɔnye wo bɔhwehwɛ nsɛmbisa ahorow yi ho mbuae, mbrɛ ɔbɛyɛ a ɔwo nye w’ebusuafo ‘besie homho wɔ Nyankopɔn dɔ mu, . . . akɔ onnyiewiei nkwa mu.’​—Jude 21.

Yɛdze enyigye to nsa frɛ wo dɛ kɔ do ara kɔ w’enyim wɔ nokwar kwan no do dze nam nwoma a odzi hɔ yi a ibosũa no do . . .