Kɔ no mu nsɛm no do

Ebɛnadze na Ɔdze Ebusua Mu Enyigye Ba?

Ebɛnadze na Ɔdze Ebusua Mu Enyigye Ba?

Isusu dɛ ɔyɛ . . .

  • ɔdɔ?

  • sika?

  • anaa biribi fofor?

 DZA BIBLE NO KYERƐKYERƐ NYE YI

“Nhyira akã hɔn a wotsie Nyankopɔn asɛm na wodzi do.”Luke 11:28, Nwoma Krɔnkrɔn, Fante Bible.

MFASO A IYI BƐMA ENYA

Ibenya ɔdɔ mapã wɔ w’ebusua mu.Ephesusfo 5:28, 29.

Obu a no mu dɔ bɛtsena w’ebusua mu.—Ephesusfo 5:33.

Awerɛhyɛmu nye koryɛ bɛba w’ebusua mu.Mark 10:6-9.

 ASO YEBOTUM AGYE DZA BIBLE NO KYERƐKYERƐ ATO MU?

Nyew, nsɛm ebien a odzidzi do yi bɔboa hɛn:

  • Nyankopɔn na ɔhyehyɛɛ ebusua asetsena. Bible kyerɛ dɛ Jehovah Nyankopɔn kãa nyimpa ebien a wodzi kan no bɔɔ mu dɛ awarfo. (Genesis 2:18-24) Ntsi Jehovah na ɔhyehyɛɛ ebusua asetsena. Ebɛnadze ntsi na iyi ho hia?

    Fa no dɛ iridzi edziban bi a ɔyɛ dɛw na epɛ dɛ ihu dza wɔdze yɛe, woana na ibebisa no? Ɔnyɛ dɛn ara a nyia ɔyɛɛ edziban no nna ibebisa no.

    Dɛmara na sɛ yɛpɛ dɛ yehu dza ɔdze ebusua mu enyigye ba a, ɔsɛ dɛ yebisa Jehovah, Onyii a ɔhyehyɛɛ ebusua asetsena no hɔ akwankyerɛ.

  • Nyankopɔn dwen wo ho. Ohia dɛ ebusua biara hwehwɛ Jehovah n’afotu a ɔnam Bible no do dze ma hɛn no. Ebɛnadze ntsi a? “Osiandɛ ɔdwen hom do.” (1 Peter 5:6, 7) Wo yiedzi ho hia Jehovah, na n’afotu yɛ papa ber nyina.Mbɛbusɛm 3:5, 6; Isaiah 48:17, 18.

 SUSU ASƐMBISA YI HO

Ebɛyɛ dɛn ayɛ kun pa, yer pa, anaa ɔwofo pa?

Bible no dze asɛmbisa yi ho mbuae ma wɔ EPHESUSFO 5:1, 2 nye COLOSSAEFO 3:18-21.