Kɔ no mu nsɛm no do

Ana Amandzehu Bɛba Ewiei Dabi?

Ana Amandzehu Bɛba Ewiei Dabi?

Aso ibobua dɛ . . .

  • nyew?

  • oho?

  • annhwɛ a?

 DZA BIBLE NO KYERƐKYERƐ NYE YI

‘Nyankopɔn . . . bɛpepa hɔn enyiwa mu nyinsuwa nyina; na owu nnyi hɔ bio; na awerɛhow nye sũ nye yaw bi nnyi hɔ bio.’Nyikyerɛ 21:3, 4, Nwoma Krɔnkrɔn, Fante Bible.

MFASO A IYI BƐMA ENYA

Awerɛhyɛmu dɛ ɔnnyɛ Nyankopɔn na ɔdze haw ba hɛn do.James 1:13.

Awerɛkyekyer ber a inyim dɛ Nyankopɔn tse ma hɛn wɔ hɛn amandzehu ber mu.Zechariah 2:8.

Enyidado dɛ amandzehu nyina bɛba ewiei.Ndwom 37:9-11.

 ASO YEBOTUM AGYE DZA BIBLE NO KYERƐKYERƐ ATO MU?

Nyew, nsɛm ebien a odzidzi do yi bɔboa hɛn:

  • Nyankopɔn kyir amandzehu na nsisi. Susu mbrɛ Jehovah Nyankopɔn tsee nkã ber a nna woridzi no nkorɔfo emim wɔ Bible mber do no. Bible kã dɛ ɔyɛɛ Nyankopɔn yaw osiandɛ ‘woyii hɔn ahomtsew no ntsi.’Atsɛmbuafo 2:18.

    Nyankopɔn kyir hɔn a wopira hɔn nyɛnko nyimpa no kɔkɔɔkɔ. Dɛ nhwɛdo no, Bible kã dɛ “nsa a ɔkã bɔgya a odzi bem gu” no yɛ n’ekyiwadze.Mbɛbusɛm 6:16, 17.

  • Nyankopɔn dwen hɛn ho nkorkor. Ɔnnyɛ dɛ obi nankotsee na onyim “nankasa no wuyar na nankasa ne yaw,” na mbom Jehovah so nyim papaapa!2 Mbermunsɛm 6:29, 30.

    Jehovah nam no sor Ahendzi no do bɛma nyimpa biara n’amandzehu aba ewiei ndaansa yi ara. (Matthew 6:9, 10) Sesei dze, ofi ayamuhyehye mu kyekye hɔn a hɔn enyi ber hwehwɛ n’ekyir kwan no werɛ.Ndwuma 17:27; 2 Corinthfo 1:3, 4.

 SUSU ASƐMBISA YI HO

Ebɛnadze ntsi na Nyankopɔn ma amandzehu ho kwan?

Bible no dze asɛmbisa yi ho mbuae ma wɔ ROMEFO 5:12 nye 2 PETER 3:9.