Kɔ no mu nsɛm no do

Kɔ no mu nsɛm a wɔahyehyɛ no do

 ADZESUA 12

Ɔdɔ Nye Nkãtse A Wɔda No Edzi

Ɔdɔ Nye Nkãtse A Wɔda No Edzi

1 Thessalonicafo 2:7, 8

DZA ƆSƐ DƐ EYƐ: Fi nkãtse ankasa mu kasa, na ma w’etsiefo no nhu dɛ edwen hɔn ho na epɛ dɛ eboa hɔn.

MBRƐ IBESI AYƐ NO:

  • Dwen w’etsiefo no ho. Kaakaa ɔhaw ahorow a w’etsiefo no rihyia na fa siesie w’akoma. Bɔ mbɔdzen dɛ edze woho bɛhyɛ hɔn tsebea no mu bi.

  • Hwɛ wo kasaa yie. Fa wo kasa no hyɛ hɔn dzen, ma ɔnkyekye hɔn werɛ, na ɔmma hɔn akoma ntɔ hɔn yamu. Kwetsir dɛ ebɛkã nsɛm bi a obotum ahaw hɔn, na mma nnkasa nntsia hɔn a wɔnnsom Jehovah no anaa nnkasa nntsia hɔn gyedzi ahorow a wɔgye to mu dzendzenndzen no.

  • Kyerɛ hɔn ho enyigye. Fa wo nyimpadua si nsɛm do dua yie, na ma kwan a efa do kasa no nkyerɛ dɛ edwen w’etsiefo no ho ankasa. Hwɛ mbrɛ isi yɛ w’enyim dze kasa no; ɔyɛ a ma w’enyim nyɛ sereserew.