Kɔ no mu nsɛm no do

Kɔ no mu nsɛm a wɔahyehyɛ no do

 CHRISTIANFO ASETSENA

Aso Nyankopɔn N’Asɛm No Som Bo Ma Wo?

Aso Nyankopɔn N’Asɛm No Som Bo Ma Wo?

Jehovah Nyankopɔn nye Bible no ne Kyerɛwfo, ntsi n’anomu nsɛm nye no nsusui ahyɛ mu mã. (2Pe 1:20, 21) Bible ma yehu dɛ, Nyankopɔn nam n’Ahendzi no do bɛkyerɛ dɛ ɔno na ɔfata dɛ odzi wiadze do tum. Dɛm asɛm yi a ɔwɔ Bible no mu no ma adasamba nya daakye papabi a ɔrennkyɛr ma hɛn nsa aaka no ho enyidado. Bible no san so ma yehu dɛ, hɛn sor Egya Jehovah yɛ ɔdɔ.​—Nd 86:15.

Obiara wɔ siantsir ahorow bi ntsi a Jehovah n’Asɛm no som no bo. Naaso, ana yɛkenkan no dabiara, na yɛdze no mu nsɛm no bɔ hɛn bra dze kyerɛ dɛ dɛm akyɛdze soronko yi som bo ma hɛn? Ɔmbra dɛ yɛdze hɛn ndzeyɛɛ bɛkyerɛ dɛ yɛnye dwontofo no yɛ adwen wɔ aber a ɔkãa dɛ: “Ao, mbrɛ mudua dɔ wo mbra a!”​—Nd 119:97.

HWƐ VIDEO A WƆATO DZIN NNA BIBLE NO SOM BO MA HƆN​—NE FÃ BI (WILLIAM TYNDALE) NO, NA YIYI NSƐMBISA A ODZIDZI DO YI ANO:

  • Ebɛnadze ntsi na William Tyndale kyerɛɛ Bible no n’afã bi ase?

  • Ebɛnadze ntsi na mbɔdzen a ɔbɔe dze kyerɛɛ Bible no ase no yɛ dza ɔda nsew?

  • Ebɛn kwan na binom faa do wiaa hɔnho dze Tyndale ne Bible nkyerɛase no bi kɔr England?

  • Hɛn mu biara bɛyɛ dɛn akyerɛ dɛ Nyankopɔn n’Asɛm no som bo ma no?