Kɔ no mu nsɛm no do

Kɔ no mu nsɛm a wɔahyehyɛ no do

 CHRISTIANFO ASETSENA

Jehovah Dɔ Hɔn A Hɔnho Tsew

Jehovah Dɔ Hɔn A Hɔnho Tsew

“Kɔhohor wo nsa. Siesie wo dan no mu. Pra famu hɔ. Kɔtow nwura no gu.” Awofo piinara na wɔkã dɛm nsɛm yi kyerɛ hɔn mba dze ma hɔn ntsetsee fa ahotsew ho. Naaso, ahotsew ho mbra ankasa dze, ofi hɛn Nyankopɔn a ɔyɛ krɔnkrɔn no hɔ. (Ex 30:18-20; De 23:14; 2Co 7:1) Sɛ yɛma hɛn nyimpadua nye hɛn ndzɛmba ho tsew a, yɛhyɛ Jehovah enyimnyam. (1Pe 1:14-16) Na hɛn fie nye hɛn mpotamu so ɛ? Dɛ Christianfo no, yɛyɛ dza yebotum biara dze ma asaase a yɛtse do yi no do tsew. Yɛnntse dɛ hɔn a wɔtotow nwura gugu beebiara a wɔpɛ biara dze sɛɛ asaase no. (Nd 115:16; Ny 11:18) Sɛ yedzi tɔfe, yɛnom nsu, anaadɛ yɛwe kyengam wie a, beebi a yɛdze no nwura no bogu no botum akyerɛ suban a yɛwɔ wɔ ahotsew ho. Yɛpɛ dɛ ‘yeyi hɛnho kyerɛ dɛ yɛyɛ Nyankopɔn asomfo’ wɔ hɛn asetsena ne fã biara mu.​—2Co 6:3, 4.

HWƐ VIDEO A WƆATO DZIN NYANKOPƆN DƆ HƆN A HƆNHO TSEW NO, NA YIYI NSƐMBISA A ODZIDZI DO YI ANO:

  • Sɛ binom ma hɔn ndzɛmba ho yɛ fĩ a, ebɛn nsɛm na ɔyɛ a wɔdze yiyi hɔnho ano?

  • Ebɛn kwan do na Moses Mbra no ma yehu Jehovah n’adwen wɔ ahotsew ho?

  • Yɛbɛyɛ dɛn eyi Jehovah ayɛw aber mpo a yemmbue hɛn ano?

Mebɛyɛ dɛn ada adwen a Jehovah wɔ wɔ ahotsew ho no bi edzi wɔ m’abrabɔ mu?