Kɔ no mu nsɛm no do

Kɔ no mu nsɛm a wɔahyehyɛ no do

 CHRISTIANFO ASETSENA

Mbabun​—Hom Mbɔ “Ndwuma Papa Ho Mbɔdzen”

Mbabun​—Hom Mbɔ “Ndwuma Papa Ho Mbɔdzen”

Wɔ krataa a sunsum krɔnkrɔn kaa ɔsomafo Paul ma ɔkyerɛwee kɛmaa Titus no mu no, ɔkãa dɛ ɔsɛ dɛ mberantsɛ, a Titus noara so ka ho, yɛ “ndwuma pa” ho nhwɛdo wɔ “adze nyina mu.” (Tit 2:6, 7) Ekyir yi, ɔkãe wɔ dɛm tsir no ara mu dɛ Jehovah bɛtsew n’asomfo ho ma wɔaabɔ “ndwuma papa ho mbɔdzen.” (Tit 2:14) Dɛm ndwuma papa no mu kor nye dɛ yɛbɛkã Nyankopɔn n’Ahendzi no ho asɛm akyerɛ nkorɔfo na yaakyerɛkyerɛ hɔn. Sɛ eyɛ ɔbabun a, ana ibotum dze ahoɔdzen a ewɔ no asom dɛ ɔkwampaaefo boafo anaadɛ daa kwampaaefo?​—Mbɛ 20:29.

Sɛ epɛ dɛ esom dɛ ɔkwampaaefo a, yɛ wo mber nhyehyɛɛ yie na toto wo ndzɛmba yie ama eetum asom. (Lu 14:28-30) Dɛ nhwɛdo no, bisa woho dɛ: Sɛ mebɛyɛ ɔkwampaaefo a, ebɛnadze na mebɛyɛ dze etwitwa moho? Mebɛyɛ dɛn edu ndɔnhwer dodow a wɔhwehwɛ fi mo hɔ no ho? Kã ho asɛm kyerɛ Jehovah wɔ mpaabɔ mu. (Nd 37:5) Enye w’awofo nye akwampaaefo a wɔwɔ suahu no mbɔ ho nkɔmbɔ. Na afei tu anamɔn ahorow a ɔbɛma etum edu wo botae no ho. Nya awerɛhyɛmu dɛ Jehovah behyira mbɔdzen a erobɔ wɔ no som mu no do!

HWƐ VIDEO A WƆATO DZIN MBABUN A WƆREHYƐ JEHOVAH ENYIMNYAM NO, NA YIYI NSƐMBISA A ODZIDZI DO YI ANO:

  • Ebɛn nsɛndzendzen na binom edzi do ana worutum asom dɛ akwampaaefo, na wɔyɛɛ dɛn dzii dɛm nsɛndzendzen no do?

  • Awofo bɛyɛ dɛn aboa hɔn mba ma wɔaabɛyɛ akwampaaefo?

  • Ebɛnadze ntsi na no ho hia dɛ eyɛ nhyehyɛɛ a edze bɔkɔ asɛnka?

  • Ebɛnadze na asafo no mufo botum ayɛ dze ahyɛ akwampaaefo nkuran na wɔaboa hɔn?

  • Ebɛn nhyira na hɔn a wɔsom dɛ akwampaaefo no nya?

Mebɛyɛ dɛn etum asom dɛ ɔkwampaaefo?