Kɔ no mu nsɛm no do

Aso Jehovah Adasefo Wɔ Asɔfo A Hom Tua Hɔn Kaw?

Aso Jehovah Adasefo Wɔ Asɔfo A Hom Tua Hɔn Kaw?

Jehovah Adasefo dzi Christianfo a wodzi kan no nhwɛdo ekyir, ntsi wɔnnkyekyɛɛ hɛn mu dɛ asɔfo nye asɔrmba. Wɔgye ɔsom no mufo a wonuma hɔn no nyinara to mu dɛ asomfo, na hɔn nyinara nya asɛnka nye ɔkyerɛkyerɛ edwuma no mu kyɛfa. Wɔakyekyɛ Adasefo no mu ayɛ hɔn asafo ahorow a no mu biara kura nyimpa bɛyɛ 100. Christianfo mbarimba a hɔnho akokwaa som wɔ asafo biara mu dɛ “mpanyimfo”. (Titus 1:5) Wɔyɛ edwuma yi a wonntua hɔn kaw biara.