Kɔ no mu nsɛm no do

Aso Jehovah Adasefo Bra Sene, Mbuukuu Anaa Ndwom Ahorow Bi?

Aso Jehovah Adasefo Bra Sene, Mbuukuu Anaa Ndwom Ahorow Bi?

Oho. Hɛn ahyehyɛdze no nnhwehwɛ sene, mbuukuu anaa ndwom ahorow pɔtsẽe bi mu mbrɛ ɔbɛyɛ a wɔbɛhyehyɛ no ho mbra ama hɛn dɛ yɛmfa ndzi dwuma anaa oho. Ebɛnadze ntsi a?

Bible no tu obiara fo dɛ ɔbɛma ne “nkãtsedze akokwaa yie” ma oeetum ehu papa nye bɔn.​—Hebrewfo 5:14.

Kyerɛwnsɛm no ma ngyinadosɛm ahorow bi a Christiannyi bi botum egyina do dze apaw enyigyedze. * Tse dɛ hɛn asetsena afã ahorow nyina no, hɛn botae nye dɛ ‘yɛbɔsɔ dza ɔsɔ Ewuradze enyi yie ahwɛ.’​—Ephesusfo 5:10.

Bible no kyerɛkyerɛ dɛ mbusua tsir wɔ tum bi, ntsi wobotum esi gyinae dɛ wɔremma kwan mma hɔn fiefo mmfa enyigyedze ahorow bi nndzi dwuma. (1 Corinthfo 11:3; Ephesusfo 6:1-4) Hokwan yi a ebusua tsir no wɔ wɔ n’ebusua mu ekyir no, obiara nnyi hokwan dɛ ɔbra sene, ndwom, nyia ɔyɛ sene, nwoma kyerɛwfo anaa ɔdwontofo pɔtsẽe bi dɛ ɔmmfata mma Christianfo a wɔwɔ asafo no mu no.​—Galatiafo 6:5.

^ nky. 4 Dɛ nhwɛdo no, Bible no kasa tsia biribiara a ɔhyɛ abayisɛm, nda mu ɔbrabɔn, nye basabasayɛ ho nkuran.​—Deuteronomy 18:10-13; Ephesusfo 5:3; Colossaefo 3:8.