Kɔ no mu nsɛm no do

“HOM NDZI DƐW DAA”!

2020 Jehovah Adasefo Ɔmantɔw Ehyiadzi

Yɛdze enyigye roto nsa afrɛ wo dɛ, hwɛ afe yi ndaansa ehyiadzi a Jehovah Adasefo reyɛ no bi. Osian coronavirus (COVID-19) yarba a ɔretserɛw no ntsi, woriyi afe yi ɔmantɔw ehyiadzi dwumadzi no wɔ intanɛt do wɔ jw.org. Wɔdze dwumadzi no n’afã ahorow no bɔto hɔ nkakrankakra wɔ July na August bosoom no mu.

DZA ƆBƆKƆ DO

  • Fida Dwumadzi: Sũa kwan a kunnom, yernom, awofo, nye mbofra nyina botum afa do enya enyigye wɔ ebusua no mu na wɔaakɔ do ama wɔaatsena hɔ. Ibohu mbrɛ abɔdze a etwa hɛnho ehyia nye ho kwan a ɔma yetum hu dɛm abɔdze ahorow no ma yehu ampa dɛ Nyankopɔn pɛ dɛ yedzi dɛw.

  • Memenda Dwumadzi: Ebɛnadze ntsi na Jehovah Adasefo kã enyigyesɛm a ɔwɔ Bible mu no ho asɛm wɔ wiadze nyina? Wɔnam ɔkasa ahorow, video ahorow, nye nsɛm a wobisabisa nkorɔfo do bɛma ehu siantsir ahorow no wɔ Bible mu.

  • Kwesida Dwumadzi: Bible no hyɛ bɔ dɛ Nyankopɔn ne nhyira na “ɔma ahonya, na ɔmmfa awerɛhow nnka ho.” (Mbɛbusɛm 10:22) Tsie Bible mu ɔkasa bi a n’asɛntsir nye, “Ibesi Dɛn Enya Ahonyadze Papabi A Ɔyaw Nnka Ho?” na hu siantsir a ibotum enya dɛm bɔhyɛ no mu awerɛhyɛmu.

  • Bible Mu Drama: Ebɛnadze na ibotum esũa efi akokodur na nsi a Bible mu nyimpa a wɔfrɛ no Nehemiah dze yɛɛ edwuma no mu? Wɔ Memenda na Kwesida no, hwɛ drama a ɔwɔ afã ebien a wɔato dzin ‘Jehovah N’enyigye Nye Hom Ahoɔdzen.’​Nehemiah 8:10.

IRUNNTUA HWEE ANA EENYA DWUMADZI YI MU KYƐFA

IRINNHIA PAASWƐƐD, ANAA USER NAME BI, NA WORIMMBISA WOHO NSƐM BIARA SO

Hwɛ ehyiadzi no ho program nye video a ɔfa hɛn ehyiadzi ahorow ho.

Hwɛ Ɔmantɔw Ehyiadzi No