Kɔ no mu nsɛm no do

Edwumayɛbea Nye Nserahwɛ Ho Nsɛm

Yɛdze enyigye to nsa frɛ wo dɛ bra bɔhwɛ hɛn edwumayɛbea nye tsintsimbea ahorow. Hwehwɛ mbea a wɔwowɔ nye mber a ibotum dze abɛsera hɔ.

United States

Nserahwɛ Ho Nhyehyɛɛ

Aso ɔsɛ dɛ idzi kan kã kyerɛ hɛn ansaana aba nserahwɛ? Nyew. Sɛ nyimpa a wɔreba nserahwɛ no dɔɔ sõ o, wɔnndɔɔ sõ o, yɛserɛ dɛ hom ndzi kan mbɔ hɛn amandzɛɛ ansaana hom aba nserahwɛ. Iyi remma ahokyer mmba ha osian nyimpadɔm a wɔbɛba ebegu ha no ntsi, na woara so w’enyiwa aagye wɔ wo nserahwɛ no mu.

Sɛ enndzi kan ammbɔ hɛn amandzɛɛ na sɛ eba a, ana ibotum akɔ nserahwɛ no? Sɛ enndzi kan ammbɔ hɛn amandzɛɛ na sɛ eba a, ɔbɛyɛ dzen dɛ yɛnye wo bɔkɔ nserahwɛ no. Beebi a yɛgye ahɔho no nnsõ ahen biara, ntsi wɔ da kor biara no, yɛwɔ nyimpa dodow bi a yebotum nye hɔn akɔ nserahwɛ.

Ebɛn aber na ɔsɛ dɛ edu ha? Yɛserɛ dɛ bɔ mbɔdzen du ha dɔnhwer kor ansaana ber a ekãa dɛ edze bɛba no asõ. Iyi remma ahokyer mmba ha osian nyimpadɔm a wɔbɛba ebegu ha no ntsi.

Ebɛyɛ dɛn abɔ hɛn amandzɛɛ dɛ ereba nserahwɛ? Klek ɔfã a wɔato dzin “Mepɛ Dɛ Meyɛ Nserahwɛ Ho Nhyehyɛɛ—Hɛn Dodow Nndu 20” no do. Sɛ wɔbor nyimpa eduonu a, klek ɔfã a wɔato dzin “Mepɛ Dɛ Meyɛ Nserahwɛ Ho Nhyehyɛɛ—Yɛyɛ Nyimpa 20 Anaa Dza Ɔbor Dɛm.”

Sɛ eyɛ nhyehyɛɛ no wie a, ibotum asesa no anaadɛ etwa mu a? Nyew. Klek ɔfã a wɔato dzin “Mepɛ Dɛ Mesesa Me Nserahwɛ Ho Nhyehyɛɛ” no do.

Da a nkyɛ epɛ dɛ eba nserahwɛ no, sɛ kwan no nyinara ayɛ mã so ɛ? Ofi ber to ber no, ɔyɛ a san hwɛ. Sɛ binom sesa hɔn nserahwɛ ho nhyehyɛɛ anaa wotwa mu a, kwan tum bɛda hɔ.

Nserahwɛ Ahorow

Warwick

1 Kings Dr.

TUXEDO PARK, NY 10987

UNITED STATES

+1 845-524-3000

Dza Wɔyɛ Tsitsir

Ndzɛmba A Wɔada No Edzi A Woarankasa Botum Akɔhwɛ

  1. Bible No Na Nyankopɔn Dzin No. Sɛ ekɔ dɛm bea yi a, ibohu Bible ahorow pii a ɔyɛ na nye nsɛm ahorow bi a ɔkyerɛ mbrɛ wɔakora Nyankopɔn ne dzin wɔ Kyerɛwsɛm no mu ɔmmfa ho mbɔdzen a nkorɔfo abɔ dɛ wobeyi efi mu no. Ebɛsan so ehu Bible a ɔyɛ na ho mfonyin ahorow na Bible ho ndzɛmba afofor so a orikyin no ho.

  2. Ɔman Ma Jehovah Ne Dzin. Sɛ eba dɛm bea yi a, ibohu Jehovah Adasefo hɔn abakɔsɛm ho mfonyin ahorow pii. Ndzɛmba ahorow a akyɛr, nkorɔfo hɔn asetsena mu nsɛm, na mfonyin ahorow no kyerɛ mbrɛ Jehovah dze no nkakrankakra akyerɛ no nkorɔfo kwan, akyerɛkyerɛ hɔn na ɔaka hɔn abɔ mu ma wɔayɛ n’apɛdze.

  3. Wiadze Nyina Edwumayɛbea Tsir—Gyedzi A Wɔda No Edzi. Dɛm bea yi so ma yehu mbrɛ Akwankyerɛ Kuw egyinatukuw ahorow no dwumadzi tse nye mbrɛ wɔboa Jehovah Adasefo ma wodzi Bible mu akwankyerɛ ahorow do. Akwankyerɛ no mu bi nye dɛ yɛnye hɛnho hɛnho behyia mu, yɛbɛyɛ esuafoyɛ edwuma no, yebosuÞa Jehovah noho adze na yaada ɔdɔ edzi akyerɛ hɛnho hɛnho.

Nserahwɛ A Obi Nye Wo Kɔ

Dɛm nserahwɛ yi ma ihu Ɔfese ahorow na adan afofor so a ɔwɔ Warwick hɔ no.

Twe Nserahwɛ Nwomaba No Bi

Patterson

100 Watchtower Dr. (2891 Route 22)

PATTERSON, NY 12563

UNITED STATES

+1 845-306-1000

Dza Wɔyɛ Tsitsir

Wɔyɛ mfonyin ahorow a ɔwɔ hɛn nwoma ahorow mu no, na wɔyɛ ndzɛmba a wɔbɔ tsie na video so ho edwuma. Ibohu Bible skuul ahorow so a wɔyɛ no wɔ ha no ho nsɛm.

Twe Nserahwɛ Nwomaba No Bi

Wallkill

900 Red Mills Rd.

WALLKILL, NY 12589

UNITED STATES

+1 845-744-6000

Dza Wɔyɛ Tsitsir

Wotsintsim Bible ho nwoma ahorow bɔbor ɔpepem 25 afe biara. Wɔdze hɛn nwoma ahorow no mona hɛn nkorbata ahorow a wɔwɔ wiadze nyina wɔ kasa bɔbor 360 mu, na wɔsan so dze bi mona Jehovah Adasefo asafo ahorow bɔbor 15,000 a ɔwɔ United States, Canada, na Caribbean.

Twe Nserahwɛ Nwomaba No Bi