Kɔ no mu nsɛm no do

Edwumayɛbea Nye Nserahwɛ Ho Nsɛm

Yɛdze enyigye to nsa frɛ wo dɛ bra bɔhwɛ hɛn edwumayɛbea nye tsintsimbea ahorow. Hwehwɛ mbea a wɔwowɔ nye mber a ibotum dze abɛsera hɔ.

Australia

Tour Reservations

Aso ɔsɛ dɛ idzi kan kã kyerɛ hɛn ansaana aba nserahwɛ? Nyew. Sɛ nyimpa a wɔreba nserahwɛ no dɔɔ sõ o, wɔnndɔɔ sõ o, yɛserɛ dɛ hom ndzi kan mbɔ hɛn amandzɛɛ ansaana hom aba nserahwɛ. Iyi remma ahokyer mmba ha osian nyimpadɔm a wɔbɛba ebegu ha no ntsi, na woara so w’enyiwa aagye wɔ wo nserahwɛ no mu. Dzi kan bɔ hɛn amandzɛɛ aber a wɔaka dapɛn kor anaa dza ɔbor dɛm ma aaba nserahwɛ no. Sɛ da a edze bɛba nserahwɛ no yɛ dapɔnda a, ɔnodze yɛhyɛ wo nkuran dɛ kã kyerɛ hɛn ntsɛm koraa ana ber no aasõ.

Sɛ enndzi kan ammbɔ hɛn amandzɛɛ na sɛ eba a, ana ibotum akɔ nserahwɛ no? Sɛ enndzi kan ammbɔ hɛn amandzɛɛ na sɛ eba a, ɔbɛyɛ dzen dɛ yɛnye wo bɔkɔ nserahwɛ no. Beebi a yɛgye ahɔho no nnsõ ahen biara, ntsi wɔ da kor biara no, yɛwɔ nyimpa dodow bi a yebotum nye hɔn akɔ nserahwɛ.

Ebɛn aber na ɔsɛ dɛ edu ha? Sɛ ibotum ahyɛ aprɔwbɔ no ase wɔ ber ano a, yɛserɛ dɛ bɔ mbɔdzen du ha annyɛ yie koraa no minitsi 10 ansaana ber a ekãa dɛ edze bɛba no asõ.

Ebɛyɛ dɛn abɔ hɛn amandzɛɛ dɛ ereba nserahwɛ? Klek ɔfã a wɔato dzin “Mepɛ Dɛ Meyɛ Nserahwɛ Ho Nhyehyɛɛ” no do.

Sɛ eyɛ nhyehyɛɛ no wie a, ibotum asesa no anaadɛ etwa mu a? Nyew. Klek ɔfã a wɔato dzin “Mepɛ Dɛ Mesesa Me Nserahwɛ Ho Nhyehyɛɛ” no do.

Da a nkyɛ epɛ dɛ eba nserahwɛ no, sɛ kwan no nyinara ayɛ mã so ɛ? Ofi ber to ber no, ɔyɛ a san hwɛ. Sɛ binom sesa hɔn nserahwɛ ho nhyehyɛɛ anaa wotwa mu a, kwan tum bɛda hɔ.

Nserahwɛ Ahorow

12-14 Zouch Road

DENHAM COURT NSW 2565

AUSTRALIA

+61 2-9829-5600

Dza Wɔyɛ Tsitsir

Wɔhwɛ Jehovah Adasefo hɔn Bible nkyerɛkyerɛ edwuma a ɔkɔ do wɔ American Samoa, Australia, Cook Islands, New Zealand, Niue, Norfolk Island, Samoa, Timor-Leste, nye Tonga no. Wɔhwɛ ma wɔkyerɛ Bible ho nwoma ahorow ase kɔ kasa 24 mu.

Nkan No Ndzɛmba A Wankasa Botum Ahwɛ

Wɔyɛ asɛnka edwuma a ɔkɔ do wɔ Australasia no ho kyerɛwtohɔ.

Twe Nserahwɛ Nwomaba No Bi