A ke été

Bengaa Jehôva

A top nkobe Fang

Ye bewu ba ye foghe wômô mô ézing?

Ye bewu ba ye foghe wômô mô ézing?

O taa de na . . .

  • owé?

  • kagha?

  • ndeng ézing?

 ÉYALAN NKOBE NZAME

Melu ma zu, éyong bewu ba ye wômô.Bisè Mintôl 24:15.

DA YILI WE NAA . . .

O bele avole n’nem, éyong é môr wa dzing a va wu.2 Becorinthien 1:3, 4.

O taa fe bera ko a wu wong.Behébreu 2:15.

O bele mebun naa é bôt be nga wu, bia ye be bera yen.Jean 5:28, 29.

 YE O NE FOGHE VE N’NEM É DZAM NKOBE NZAME WA DZO?

Owé, akal mam melal:

  • Nzame é ñe a nga vele éning. Nkobe Nzame wa yeghle naa, Nzame a ne “Tsîn éning.” (Bya 36:10; Bisè Mintôl 17:24, 25) É Nzame a nga ve dzôm ése da vebe éning, a bele fe ngu’u naa a bera ve é môr a wuang éning.

  • Okua Nzame a nga wômô bôt. Nkobe Nzame wa nkane ane be nga wômô bôt muom melu nvus: bong, beñamboro, befam ye binenga. Abuiñ, be nga wômô bo kagha naa be dzep bo. Môr mbo ye été, be nga wômô ñe a kuène naa ave be dzep ñe melu me niin!Jean 11:39-44.

  • Nzame a ye bera wômô bôt. Jehovâ Nzame a vini awu; é ne ñe ngîn. (1 Becorinthien 15:26) A ye mane ya awu éyong a ye wômô bôt. A bele naa a wômô é bôr a siman, naa be nîng é si ñi mbèmbèè.Job 14:14, 15.

 O NE FE FAS ADZO DI

Akal dzé bia ke n’nomo ye wu?

Nkobe Nzame wa yalan nsili té nten ATARGÉ 3:17-19 ye nten BEROMAIN 5:12.