Këlë a nnëm ete

Minlo mëdzo mitsa’a

Bëboala be Yehova

Ewondo

Ye bewu be nga bare fò nying?

Ye bewu be nga bare fò nying?

Nfa woé wò yen ya . . .

  • ye owé?

  • ye tegè?

  • ye éyong zing?

 ÉYALEN YA BIBEL

“Na awomo da yi bò.”​—Mimboen mi apostel 24:15, Mfufub Bibel.

NALA WA TILEN YA ASU DOÉ

Awonong éyong é mot wò ding a he wu.​—2 Korinti 1:3, 4.

Akoré ya wong awu.​—Hébréa 2:15.

Afiri ya bare yen é bot ya bi nga ding a be nga wu.​—Yohannes 5:28, 29.

 YE BI NE DZAM YEBE É DZAM BIBEL A DZO?

Owé, asu mezen melè:

  • Zamba a nga tié énying. Bibel a loé Yéhova Zamba na “étam ya énying.” (Salmen 36:9; Mimboen mi apostel 17:24, 25) É nyò a nga ve bikokomega bié bise énying a ne fe ngul ya ve bewu énying éfe.

  • Zamba a nga womo ya bot osusua. Bibel a lang mekulsòng muom​—binanga, minnom, befam, ai bininga​—be nga womo ne ba dugen sò nying a si. Bevòk be nga be be ndem wu, ve mbòk ya été a mbe a tòboya melu menyi a sòng!​—Yohannes 11:39-44.

  • Zamba a yang’en abui ne a dugen bò nala. Yéhova a fem awu; a nong dò ane nzizing. (1 Korinti 15:26) A yang’en ne a dang awu, nzizing té ai zen ya akulsòng. A yi ne a womo é ba ya a nga baala a ntsogen woé a yene ane ba dugen sò nying a si.​—Yiob 14:14, 15.

 NSILI YA AFAS

Asu dzé bia yombo ai asu dzé bia wu?

Bibel a yalen nsili té a YÉNÉSIS 3:17-19 ai ROMANI 5:12.