6. ስንሞት ምን እንሆናለን?

6. ስንሞት ምን እንሆናለን?

1 አንድ ሰው ሲሞት ሕይወቱ ያበቃል

“ሙታን . . . ምንም አያውቁም።”—መክብብ 9:5

ስንሞት ምን እንሆናለን?

  • መዝሙር 146:3, 4መክብብ 9:6, 10

    ስንሞት ምንም ነገር ማየት፣ መስማትም ሆነ ማሰብ አንችልም።

  • ዮሐንስ 11:11-14

    ኢየሱስ ሞትን ከእንቅልፍ ጋር አመሳስሎታል።

2 ይሖዋ የሰው ልጆች እንዲሞቱ አይፈልግም

“ከመልካምና ክፉ እውቀት ዛፍ . . . አትብላ፤ ምክንያቱም ከዚህ ዛፍ በበላህ ቀን በእርግጥ ትሞታለህ።”—ዘፍጥረት 2:17

የምንሞተው ለምንድን ነው?

  • ዘፍጥረት 3:1-6

    ሰይጣን፣ ሔዋን የይሖዋን ትእዛዝ ብትጥስ እንደማትሞት በመንገር አታለላት። ሆኖም አዳምና ሔዋን፣ የይሖዋን ትእዛዝ በመጣስ ኃጢአት ስለሠሩ ለተወሰኑ ዓመታት ከኖሩ በኋላ ሞቱ።

  • ዘፍጥረት 3:19

    አዳም ሲሞት ሕይወት የሌለው ወይም በድን ሆኗል።

  • ሮም 5:12

    ኃጢአት ከመጀመሪያዎቹ ወላጆቻችን የወረስነው ከባድ በሽታ ነው ሊባል ይችላል። ሁላችንም ኃጢአተኞች ሆነን ስለምንወለድ እንሞታለን።

  • 1 ቆሮንቶስ 15:26

    መጽሐፍ ቅዱስ ሞትን ጠላት በማለት ይጠራዋል።

3 ስለ ሞት እውነቱን ማወቃችን ነፃ ያወጣናል

“እውነትንም ታውቃላችሁ፤ እውነትም ነፃ ያወጣችኋል።”—ዮሐንስ 8:32

ስለ ሞት እውነቱን ማወቃችን ከሐሰት ትምህርቶች ነፃ የሚያወጣን እንዴት ነው?

  • 1 ዮሐንስ 4:8

    ‘ይሖዋ ሰዎችን በገሃነም ያቃጥላል’ ብሎ ማስተማር እሱን እንደመሳደብ ይቆጠራል። ይሖዋ፣ ሰዎችን እንዲህ ባለ መንገድ ፈጽሞ አያሠቃይም!

  • ራእይ 4:11

    ብዙዎች የሞቱ ሰዎችን ስለሚፈሩ ይሖዋን ማምለክ ሲገባቸው የሙታን መናፍስትን ያመልካሉ። እውነተኛው አምላክ ይሖዋ ስለሆነ ሊመለክ የሚገባው እሱ ብቻ ነው።