Alla tɔɔ sanima sɛbɛni Yahuwa la Sérélu la karanbônlu bɛɛ kan. Wô kôsɔn, anna karanbônlu kakan ka saniɲa, ka ɲumaya. Wô yé an mabuɲa kô lé di. Wô fanan kɔ, anna batoli fan dô lé wô di. Bɛɛ disé a sé kô kɛla karanbônlu lasaniɲa kô rɔ.

Ɲɔnbɛn bara ban, an yɛrɛ disé watinin dô tala ka karanbôn lasaniɲa. Ɲɔnbɛn laban bɛɛ la, badén kɛɛma ni musoma dôlu yé karanbôn lasaniɲala sɛwa rɔ. Lɔkun bɛɛ kɔrɔ, karanbôn fan bɛɛ di lasaniɲa. Baara mɛnlu kakan ka kɛ, kɛmɔɔba dô ni wô tɛ dɛmɛnba dô di wôlu sɛbɛ ka ban ka a djanto baara wôlu rɔ. Dôlu di karanbôn kɔnɔla koo, dôlu di siifénlu mafiran, dôlu di ɲɛɛ kɔnɔla koo, dôlu di ɲama tɛ ka wa a lafili. Dôlu di kɛnɛmala firan. San bɛɛ kɔrɔ, an di karanbôn kɔnɔ fén bɛɛ ni a fan bɛɛ lasaniɲa. Ni an ka an dénnu ladôn baara wôlu rɔ, an di élu lɔ Alla bato yɔrɔ gbiliyala. — Ekleziyasi 5:1, TMN.

Fén mɛnlu tiɲɛni karanbônlu kɔnɔ, an di wôlu labɛn. San bɛɛ kɔrɔ, mɔɔ dôlu yé anna karanbônlu kɔnɔla ni a kɔkanla lakɔrɔsila. Wô kɔ, an di fén tiɲɛni bɛɛ labɛn, wô yé an lakanda wôdi latiɲɛ ma (Talikulu II 24:13 ; 34:10, TMN). Karanbôn saniɲani yé Alla bato yɔrɔ ɲuman baa lé di. An ba kɛ anna karanbônlu lasaniɲala, an ɲé a yirala kô Yahuwa ni anna batoli yɔrɔ diyani an ɲɛ (Zaburu 122:1, TMN). Wô fanan yé séréya ɲuman lé di mɔɔlu ɲɛ. — Kôrɛnte kalu II 6:3.

• Munna an kakan ka anna batoli yɔrɔlu lasaniɲa ?

• An ɲé anna karanbônlu lasaniɲala di ?