Be ka se isịnede

Be ka se isịnede

 NTE CHRISTIAN OKPODUDE UWEM

Se Idin̄wamde Nnyịn Idi Nti Mme Ọkwọrọikọ​—Tọn̄ọ Nneme Emi Ekemede Ndinam Ọkwọrọ Ikọ

Se Idin̄wamde Nnyịn Idi Nti Mme Ọkwọrọikọ​—Tọn̄ọ Nneme Emi Ekemede Ndinam Ọkwọrọ Ikọ

Jesus ndikọtọn̄ọ nneme ye n̄wan Samaria ama anam enye ekeme ndikwọrọ ikọ nnọ enye. Nso idin̄wam nnyịn ifiọk nte ikpọtọn̄ọde nneme ye mme owo?

  • Nam n̄kpọ ufan ufan ye mme owo nyụn̄ tọn̄ọ nneme ye mmọ. Kpa ye oro Jesus akakpade mba, enye ama ọtọn̄ọ nneme ye n̄wan Samaria; ọkọdọhọ enye ọnọ imọ mmọn̄ in̄wọn̄. Ntre, emekeme nditọn̄ọ ke ndikọm owo, ekem etịn̄ aban̄a nte enyọn̄ etiede mîdịghe etịn̄ aban̄a n̄kpọ oro etịbede ndondo emi. Ti ke odomo nditọn̄ọ nneme ye owo, ntre tịn̄ ban̄a n̄kpọ oro ekerede ke enye ekeme ndima. Edieke enye mîmaha ndineme nneme ye afo, kûfịna. Domo nditọn̄ọ nneme ye owo en̄wen. Ben̄e Jehovah ọnọ fi uko.—Ne 2:4; Ut 4:29.

  • Nte osụk enemede nneme ye owo, yom usụn̄ wọn̄ọde nneme oro sịn ke ukwọrọikọ. Edi kûdi ọtọtọn̄ọ nneme afo ọtọn̄ọ ndikwọrọ ikọ. Yak nneme oro aka iso kan̄a. Edieke ọsọpde-sọp ọtọn̄ọ ukwọrọikọ, nneme oro ekeme ndidorode owo oro, enye onyụn̄ ekeme nditre nneme oro. Edi kûyak idem emem fi edieke owo etrede nneme mbemiso ekemede ndikwọrọ ikọ nnọ enye. Edieke esisọn̄de fi ndikwọrọ ikọ nnọ owo ke ini anamde mbubehe idemfo, kpep ndisineme nneme en̄wen ye mme owo kan̄a. [Bre nyụn̄ neme akpa vidio.]

  • Yom usụn̄ tịn̄ n̄kpọ ban̄a se afo enịmde ke akpanikọ. Oro ekeme ndinam owo oro obụp fi mbụme. Jesus ama etịn̄ n̄kpọ emi akanamde n̄wan Samaria obụp enye mbụme. Jesus ama ọbọrọ mme mbụme esie; nte enye akasan̄ade ọkwọrọ ikọ ọnọ enye ekedi oro. [Bre nyụn̄ neme ọyọhọ vidio iba, ekem bre nyụn̄ neme ọyọhọ vidio ita.]