Be ka se isịnede

Be ka se isịnede

 NTE CHRISTIAN OKPODUDE UWEM

Nọ Jehovah Enọ

Nọ Jehovah Enọ

Didie ke ikeme ‘ndida enọ nsọk Jehovah mfịn’? (1Ch 29:​5, 9, 14) Ẹwet nsio nsio usụn̄ ke idak emi, oro ikemede ndinọ enọ imaesịt man ẹda ẹnam utom Jehovah ke idụt nnyịn ye ke ofụri ererimbot.

ẸSIDA OKỤK ORO ẸNỌDE KE INTANET M̀MÊ OKỤK ORO ẸSỊNDE KE EKEBE ETỊBE ẸNAM MME N̄KPỌ EMI:

  • UTOM OFỤRI ERERIMBOT

    ndibọp mme n̄kọk itieutom ye mme itie ukabade n̄wed nnyụn̄ nse mban̄a mbon emi ẹnamde utom do

    ndinịm mme ufọkn̄wed esop Abasi

    ndise mban̄a mbon oro ẹnamde san̄asan̄a utom uyọhọ ini

    ndin̄wam mbon oro afanikọn̄ esịmde

    ndimịn̄ n̄wed, nsio vidio, nnyụn̄ ndọn̄ mme n̄wed ye vidio ke Intanet

  • OKỤK ESOP

    okụk oro ẹdade ẹnam n̄kpọ ke esop, utọ nte okụk mmọn̄ ye okụk ikan̄ ye okụk oro ẹdade ẹdiọn̄ n̄kpri n̄kpri n̄kpọ ke Ufọkmbono Obio Ubọn̄

    okụk oro esop ẹbierede ndinọ ẹsọk n̄kọk itieutom man ẹda:

    • ẹbọp Ufọkmbono Obio Ubọn̄ ye Itie Mbono ke ofụri ererimbot

    • ẹn̄wam ke ini mfịna odude ke Ufọkmbono Obio Ubọn̄ ekededi

    • ẹnam utom eken ke ofụri ererimbot

IKPỌ YE N̄KPRI MBONO

Ẹsinọ okụk oro ẹtịpde ke ikpọ mbono ẹsọk n̄kọk itieutom man ẹda ẹnam utom ofụri ererimbot. Ndien do ke ẹsisio okụk ẹda ẹnam se ẹyomde ẹnam ke ikpọ mbono, san̄asan̄a mbono, ye ke mbono ofụri ererimbot.

Okụk oro circuit ẹtịpde ke ẹsida ẹnịm mbono circuit, ẹse ẹban̄a itie mbono, ẹbọ itie ẹnịm mbono circuit, ẹnyụn̄ ẹda ẹnam mme n̄kpọ eken ke circuit. Circuit ẹkeme ndibiere ndinọ n̄kọk itieutom nyọhọ-nsụhọ okụk mmọ man ẹda ẹnam utom ofụri ererimbot.