Be ka se isịnede

Be ka se isịnede

 NTE CHRISTIAN OKPODUDE UWEM

Se Idin̄wamde Nnyịn Idi Nti Mme Ọkwọrọ Ikọ​—Mfiakn̄ka

Se Idin̄wamde Nnyịn Idi Nti Mme Ọkwọrọ Ikọ​—Mfiakn̄ka

NTAK EDIDE AKPAN N̄KPỌ: Ediwak owo ẹsima ukwọrọikọ nnyịn, ẹnyụn̄ ẹyom ndifiọk akpanikọ oro odude ke Bible. (Isa 55:6) Ntre, se idin̄wamde mmọ ẹfiọk akpanikọ edi nnyịn ndisifiak n̄ka n̄kekpep mmọ n̄kpọ. Sia owo ye owo mîdịghe ukem, nte itọn̄ọde nneme ye owo kiet ekeme ndikpụhọde ye owo en̄wen. Kpa ye oro, se idin̄wamde nnyịn itọn̄ọ ukpepn̄kpọ Bible edi ndisitịm idem ọfọn mbemiso ikpọn̄de ufọk, inyụn̄ idiọn̄ọ se iditịn̄de ke ini isịmde ufọk owo.

SE ANADE ANAM:

  • Edieke ọdọhọde owo ke iyafiak idi, kûyak ebebịghi, fiak ka nte ọkọdọhọde.​—Mt 13:19

  • Tie ufan ufan nyụn̄ kpono enyeneufọk

  • Ama esịm ufọk owo, kọm enyeneufọk. Ti enye se inamde afiak edi​—emekeme ndidọhọ enye ke idi ndibọrọ mbụme oro ikobụpde do, ndinọ enye magazine eke ndondo emi, ndiwụt enye ikpehe intanet nnyịn, ndibre vidio nnyịn nnọ enye, mîdịghe ndiwụt enye nte isikpepde owo Bible. Edieke enye etịn̄de n̄kpọ en̄wen emi owụtde se isịnede enye ke esịt, kpụhọ nneme neme n̄kpọ oro ye enye.​—Php 2:4

  • Ti ke ndineme Ikọ Abasi nnyụn̄ nnọ enye n̄wed ayanam akpanikọ odụk enye esịt. (1Co 3:6) Domo ndineme nneme ye enye nte eneme ye ufan fo

  • Mbemiso ọnyọn̄de, dọhọ enye ke iyafiak idi mîdịghe bụp mbụme emi edibọrọde ke ini afiakde aka