Be ka se isịnede

Be ka se isịnede

 NTE CHRISTIAN OKPODUDE UWEM

Anie ke Ndikot?

Anie ke Ndikot?

Kpukpru isua, imesisịn idem ikot mme owo ke efakutom nnyịn ẹditiene nnyịn ẹdụk Editi. Ediwak mmọ ẹsidi isenowo. Akpana isikot mbon oro nnyịn idiọn̄ọde n̄ko, sia utọ mbon oro ẹsiwak ndidi Editi. (yb08-E 11 ¶3; 14 ¶1) Mmanie ke okpokot?

  • Iman fo

  • Mbon itieutom mbufo m̀mê nditọ ufọkn̄wed mbufo

  • Mbọhọidụn̄ fo

  • Mbon emi ọkọkwọrọde ikọ ọnọ emi esifiakde aka ebịne, mbon emi ekesikpepde Bible, ye mbon emi osụk ekpepde Bible

N̄ko, mbiowo ẹyekot mbon oro mîwọrọke an̄wautom aba. Nso ke akpanam edieke owo fo mîdụn̄ke ke efakutom mbufo? Ka jw.org/⁠efi, oyokụt itie emi ẹwetde ABAN̄A NNYỊN ke enyọn̄ akpa page. Fịk itie emi ẹwetde “Editi N̄kpa Christ” man ọfiọk ebiet ye ini emi ẹdinịmde Editi ke ebiet emi owo fo odude. Nte osụk eben̄ede idem ọnọ Editi isua emi, kere ban̄a mbon emi ekemede ndikot, kûnyụn̄ utre ndikot mmọ.