Be ka se isịnede

Be ka se isịnede

 NTE CHRISTIAN OKPODUDE UWEM

Ka Iso Bet ke Ime

Ka Iso Bet ke Ime

Ebịghi didie eketie ebet Obio Ubọn̄ Abasi? Ndi ke aka iso ebet ke ime kpa ye oro n̄kpọ ọsọn̄de ye afo? (Ro 8:25) Ẹsua nditọete nnyịn, ẹbak ndusụk mmọ ibak, ẹsịn ndusụk ke ufọk-n̄kpọkọbi, ẹnyụn̄ ẹyom ndiwot ndusụk. Ediwak nditọete nnyịn ẹdọn̄ọ idiọk udọn̄ọ ẹbịghi, ediwak ẹnyụn̄ ẹsọn̄.

Nso idin̄wam nnyịn ika iso ibet ke ime kpa ye se iwọrọde nnyịn? Ana isikot Bible kpukpru usen inyụn̄ itie ikere se ikotde man itetịm ibuọt idem ye Abasi. Ana ika iso ikere iban̄a se Abasi ọn̄wọn̄ọde ndinam nnọ nnyịn. (2Co 4:16-18; Heb 12:2) Ana isibọn̄ akam inọ Jehovah inyụn̄ iben̄e enye edisana spirit esie. (Lu 11:10, 13; Heb 5:7) Edima Ete nnyịn, Jehovah, ekeme ndin̄wam nnyịn ika iso iyọ inyụn̄ ikop idatesịt.—Col 1:11.

ẸSE VIDIO ORO ANA ‘IFEHE MBUBA EMI YE IME’—NỊM KE ỌYỌBỌ UTỊP, EKEM ẸBỌRỌ MME MBỤME EMI:

  • Nso ikeme nditịbe nnọ owo ke ini enye mîdorike enyịn? (Ec 9:11)

  • Didie ke akam ekeme ndin̄wam nnyịn ke ini inyenede mfịna?

  • Edieke nnyịn mîkemeke ndinam se ikesinamde inọ Jehovah, ntak emi ọfọnde inam se ikemede utu ke nditie nseme idem?

  • Ka iso kere ban̄a se Abasi ọn̄wọn̄ọde ndinam nnọ nnyịn

    Nso inam aka iso enịm ke ọyọbọ utịp?