Be ka se isịnede

Be ka se isịnede

 NTE CHRISTIAN OKPODUDE UWEM

Se Idin̄wamde Nnyịn Idi Nti Mme Ọkwọrọikọ—Kwọrọ Ikọ Tiene Nte N̄kpọ Etiede ye Enyeneufọk

Se Idin̄wamde Nnyịn Idi Nti Mme Ọkwọrọikọ—Kwọrọ Ikọ Tiene Nte N̄kpọ Etiede ye Enyeneufọk

NTAK EMI EDIDE AKPAN N̄KPỌ: Mbon oro ẹyetde aran ye mme erọn̄ en̄wen ke ẹkot kpukpru orụk owo ẹte “[ẹdibọ] mmọn̄ uwem ke mfọn.” (Edi 22:17) Mmọn̄ emi ada aban̄a kpukpru se Jehovah ọnọde man anam mbon oro ẹkopde uyo esie ẹbọhọ idiọkn̄kpọ ye n̄kpa. Sia mbon oro isikwọrọde ikọ inọ ẹtode nsio nsio itie ẹnyụn̄ ẹkade nsio nsio ufọkabasi, oyom isikwọrọ “nsinsi eti mbụk” ke usụn̄ emi ẹdinamde ọdọn̄ mmọ ndikpan̄ utọn̄.—Edi 14:6.

NTE AKPANAMDE:

  • Mek ibuotikọ ye itie N̄wed Abasi emi mme owo ke edem mbufo ẹdimade. Emekeme ndinam se idude ke “Se Ekemede Nditịn̄” mîdịghe ọkwọrọ ikọ ke usụn̄ ekededi emi esikwọrọde yak mme owo ẹkpan̄ utọn̄. Ewe ibuotikọ ye itie N̄wed Abasi ke mme owo ẹsima? Ndi enyene se itịbede ke edem mbufo, emi mme owo ẹsụk ẹtịn̄de ẹban̄a? Nso ke erenowo m̀mê n̄wan edima ndikop?

  • Kọm mme owo nte ẹsikọmde owo ke edem mbufo.2Co 6:3, 4

  • Nen̄ede diọn̄ọ mme n̄kpọ emi ẹdude ke Mme Akpan N̄kpọ Isidade Ikpep Owo Bible man ọfiọk enye emi edidade in̄wam owo emi amade ukwọrọikọ fo

  • Sion̄o mme n̄wed ye vidio ke mme usem emi ẹsemde ke efakutom mbufo dọn̄ ke fon m̀mê tablet fo

  • Kwọrọ ikọ tiene nte n̄kpọ etiede ye enyeneufọk. (1Co 9:19-23) Ke uwụtn̄kpọ, nso ke ekpetịn̄ edieke okopde ke ibịghike owo akakpa ke ubon owo oro ọkwọrọde ikọ ọnọ?

ẸSE VIDIO, EKEM ẸBỌRỌ MME MBỤME EMI:

  • Nso ke asuanetop oro okoyom nditịn̄ mban̄a?

  • Nso iketịbe inọ owo emi enye ọkwọrọde ikọ ọnọ?

  • Ewe itie N̄wed Abasi ekenen̄ede ọfọn ke utọ idaha oro, ndien ntak-a?

  • Didie ke esikpụhọ se akaduakde ndikwọrọ ke ini okụtde nte n̄kpọ etiede ye owo ke efakutom mbufo?