Be ka se isịnede

Be ka se isịnede

 NTE CHRISTIAN OKPODUDE UWEM

Mme Uyen—Ẹsịn “Ifịk Ẹnam Nti Utom”

Mme Uyen—Ẹsịn “Ifịk Ẹnam Nti Utom”

Ke leta oro apostle Paul ekewetde ọnọ Titus, enye ọkọdọhọ n̄kparawa, esịnede Titus, ẹnam se ẹkekeme man ẹnịm “uwụtn̄kpọ ke ndinam nti utom.” (Tit 2:6, 7) Ekem, ke ufan̄ikọ 14, enye ama ọdọhọ ke Jehovah ayanam ikọt esie ẹsana man mmọ ẹsịn “ifịk ẹnam nti utom.” (Tit 2:14) Ndikwọrọ ikọ nnyụn̄ n̄kpep mme owo mban̄a Obio Ubọn̄ Abasi esịne ke otu nti utom emi. Edieke afo edide uyen, ndi emekeme ndida odudu uyen fo nnam utom usiakusụn̄ ofụri ini m̀mê eke unọ un̄wam?—N̄ke 20:29.

Edieke akpamade ndidi asiakusụn̄, tọn̄ọ idahaemi nam n̄kpọ man ekeme ndinam utom emi. (Lu 14:28-30) Ke uwụtn̄kpọ, nso ke edinam man enyene se adiade ama ọtọn̄ọ utom usiakusụn̄? Edisan̄a didie inyene ibat hour oro ẹyomde? Sịn kpukpru emi ke akam. (Ps 37:⁠5) Neme se aduakde ndinam ye ete ye eka fo. Neme n̄ko ye mbon emi ẹnamde utom usiakusụn̄ ẹbịghi. Ekem nam se ekemede man ọtọn̄ọ utom emi. Jehovah iditreke ndidiọn̄ fi ke ifịk oro esịnde anam utom esie!

ẸSE VIDIO ORO MME UYEN ORO ẸKPONODE JEHOVAH, EKEM ẸBỌRỌ MME MBỤME EMI:

  • Nso ikanam ọsọn̄ ndusụk owo nditọn̄ọ utom usiakusụn̄, edi nso ikan̄wam mmọ ẹnam utom emi?

  • Didie ke mme ete ye eka ẹkeme ndin̄wam nditọ mmọ ẹdi mme asiakusụn̄ ofụri ini?

  • Ntak emi ọfọnde asiakusụn̄ enyene usen ye ini emi enye esikwọrọde ikọ??

  • Didie ke nditọete ke esop ẹkeme ndin̄wam mme asiakusụn̄?

  • Didie ke Abasi esidiọn̄ mme asiakusụn̄?

Nso ke n̄kpanam man n̄keme ndidi asiakusụn̄?