Be ka se isịnede

Be ka se isịnede

 NTE CHRISTIAN OKPODUDE UWEM

Jesus Ama Akpa Ọnọ Eyenete Fo N̄ko

Jesus Ama Akpa Ọnọ Eyenete Fo N̄ko

Jesus akakpa ọnọ mbon emi mîfọnke ima. (Ro 5:8) Esịt esinem nnyịn ke ini itide ke enye akakpa ọnọ nnyịn ke ntak emi enye amade nnyịn. Edi, ndusụk ini imesifre ke enye ama akpa ọnọ nditọete nnyịn n̄ko. Imọdiọn̄ọ ke nditọete nnyịn ifọnke ima kpa nte nnyịn mîfọnke ima. Ntre, didie ke ikeme ndima mmọ nte Jesus amade nnyịn? Yak ineme usụn̄ ita oro ikemede ndinam emi. Akpa, akpana inyịme ndinam ufan ye kpukpru orụk owo, idịghe sụk mbon oro ẹtode edem nnyịn m̀mê ẹtiede nte nnyịn. (Ro 15:7; 2Co 6:​12, 13) Ọyọhọ iba, ikpanaha ikokoi itịn̄ m̀mê inam n̄kpọ emi ediyatde mbon en̄wen esịt. (Ro 14:​13-15) Ọyọhọ ita, akpana isisọp ifen inọ mbon oro ẹduede nnyịn. (Lu 17:​3, 4; 23:34) Edieke ikpebede Jesus ke mme usụn̄ emi, Jehovah ayanam emem ye edidianakiet aka iso odu ke esop nnyịn.

ẸSE VIDIO ORO NTE CHRISTIAN OKPODUDE UWEM! EKEM ẸBỌRỌ MME MBỤME EMI:

  • Didie ke Abigail ekese nditọete ke obufa esop mmọ ke nsonso oro?

  • Nso ikanam enye ọtọn̄ọ ndikpụhọde?

  • Didie ke uwụtn̄kpọ Jesus akan̄wam Abigail afiak ọtọn̄ọ ndima nditọete esie? (Mr 14:38)

  • Didie ke Mme N̄ke 19:11 ekeme ndin̄wam nnyịn ikụt nti n̄kpọ ke idem nditọete nnyịn?