Be ka se isịnede

Be ka se isịnede

 NTE CHRISTIAN OKPODUDE UWEM

Ana Ikwọrọ Ikọ Inyụn̄ Ikpep Mme Owo N̄kpọ Man Inam Mbet

Ana Ikwọrọ Ikọ Inyụn̄ Ikpep Mme Owo N̄kpọ Man Inam Mbet

Jesus ọkọdọhọ mbet esie ẹka ẹkenam mme owo ẹdi mbet. (Mt 28:19) Emi esịne ndikwọrọ ikọ nnyụn̄ n̄kpep mme owo n̄kpọ. Ọfọn kpukpru nnyịn isibụp idem nnyịn ite, ‘Nso ke n̄kpanam man nnen̄ede ndiọn̄ọ ndikwọrọ ikọ nnyụn̄ n̄kpep mme owo n̄kpọ?’

KWỌRỌ IKỌ

Utu ke ndibebet yak mme owo ẹdi ẹbịne nnyịn, ana isiwọrọ ikoyom ‘mbon oro ẹdotde.’ (Mt 10:11) Ke ini idude ke an̄wautom, ndi imesidomo ndikwọrọ ikọ nnọ kpukpru ‘mbon oro ikụtde’? (Ut 17:17) Apostle Paul ndikenen̄ede nsịn idem n̄kwọrọ ikọ akanam Lydia akabade edi mbet.​—Ut 16:​13-15.

“Suan n̄kpasịp fo ke usenubọk ndien kûyak ubọk fo ọduọk odudu tutu esịm mbubreyo” (Ec 11:6)

ẸSE VIDIO ORO ‘KÛKPA MBA’ NDIKWỌRỌ IKỌ​—KE INI ANAMDE N̄KPỌ IDEMFO YE KE UFỌK KE UFỌK, EKEM ẸBỌRỌ MME MBỤME EMI:

  • Idem ke ini Samuel okodude ke itieutom, didie ke enye ekesiwụt ke utom ukwọrọikọ edi ata akpan utom?

  • Ntak emi anade ika iso ikwọrọ ikọ ke nsio nsio usụn̄?

  • Mmanie ke afo ekeme ndikwọrọ ikọ nnọ ke ini anamde mbubehe idemfo?

KPEP OWO N̄KPỌ

Idịghe ndinọ mme owo n̄wed kpọt edinam mmọ ẹkabade ẹdi mbet. Ana isifiak ika ikese mmọ inyụn̄ ikpep mmọ n̄kpọ man ikọ Abasi odụk mmọ esịt, mmọ ẹnyụn̄ ẹtọn̄ọ ndinam n̄kpọ Abasi. (1Co 3:​6-9) Edi, nso ke ikpanam edieke owo mîmaha ndinam n̄kpọ Abasi kpa ye oro isịnde idem ikpep enye n̄kpọ? (Mt 13:​19-22) Ana ika iso iyom mbon oro ẹnyenede eti esịt.​—Mt 13:23; Ut 13:48.

“Ami n̄kọtọ, Apollos ọduọk mmọn̄, edi Abasi anam enye ọkọri” (1Co 3:6)

ẸSE VIDIO ORO ‘KÛKPA MBA’ NDIKWỌRỌ IKỌ​—KE EBIET EMI MME OWO ẸSIWAKDE YE NAM MME OWO ẸDI MBET CHRIST, EKEM ẸBỌRỌ MME MBỤME EMI:

  • Nso ke Solomon ye n̄wan esie ẹkenam man akpanikọ odụk Ezekiel ye n̄wan esie esịt?

  • Nso ikpedi akpan uduak nnyịn ini ekededi oro ikwọrọde ikọ m̀mê ikpepde owo n̄kpọ?

  • Didie ke ikpowụt ke ndikpep mme owo Ikọ Abasi enen̄ede edi akpan n̄kpọ ọnọ nnyịn?