Be ka se isịnede

Be ka se isịnede

 UKPEPN̄KPỌ 12

Nso Itịbe ke N̄kpa?

Nso Itịbe ke N̄kpa?

N̄kpa edi isio n̄kpọ ye uwem. N̄kpa etie nte ọkpọsọn̄ idap. (John 11:11-14) Mme akpan̄kpa ikemeke ndikop, ndikụt, m̀mê ndikere n̄kpọ ndomokiet. (Ecclesiastes 9:5, 10) Nsunsu ido ukpono ekpep nte ke mme akpan̄kpa ẹka ererimbot mme spirit ndikodụn̄ ye mme ete ete mmọ. Idịghe se Bible ekpepde edi oro.

Mbon oro ẹma ẹkekpan̄a ikemeke ndin̄wam nnyịn, mmọ inyụn̄ ikemeke ndinọ nnyịn unan. Edi ọsọ n̄kpọ mme owo ndinam mme edinam ye mme uwa oro mmọ ẹkerede ke ẹyenem mbon oro ẹma ẹkekpan̄a esịt. Emi inemke Abasi esịt koro edinam emi ọkọn̄ọde ke kiet ke otu nsu Satan. Enye n̄ko ikemeke ndinem mme akpan̄kpa esịt, sia mmọ mînyeneke uwem. Nnyịn ikpenyeneke ndikop ndịk mban̄a m̀mê ndituak ibuot nnọ mme akpan̄kpa. Nnyịn ikpatuak ibuot inọ Abasi ikpọn̄îkpọn̄.—Matthew 4:10.

Mme akpan̄kpa ẹyefiak ẹdu uwem. Jehovah ayanam mme akpan̄kpa ẹfiak ẹdidu uwem ke paradise isọn̄. Ini oro osụk odu ke iso. (John 5:28, 29; Utom 24:15) Abasi ekeme ndidemede mbon oro ẹma ẹkekpan̄a ata ukem ukem nte afo ekemede ndidemede owo emi edede idap.—Mark 5:22, 23, 41, 42.

Ekikere oro nte ke nnyịn ikpaha edi nsu oro Satan kpa Devil asuande. Satan ye mme demon esie ẹnam mme owo ẹkere ke spirit mme akpan̄kpa ke ẹdu uwem ẹnyụn̄ ẹda udọn̄ọ ye mme mfịna eken ẹdi. Satan esibian̄a mme owo, ke ndusụk idaha ebe ke ndap ye n̄kukụt. Jehovah obiom mbon oro ẹdomode nditịn̄ ikọ ye mme akpan̄kpa ikpe.—Deuteronomy 18:10-12.