Be ka se isịnede

Be ka se isịnede

 UKPEPN̄KPỌ 16

Wụt Ima Emi Afo Amade Abasi

Wụt Ima Emi Afo Amade Abasi

Man ufan ebịghi, oyom afo etịn̄ ikọ ọnọ enye. Afo akpan̄ utọn̄ ọnọ enye, enye onyụn̄ akpan̄ utọn̄ ọnọ fi. Afo emesitịn̄ nti ikọ n̄ko aban̄a ufan fo ọnọ mbon efen. Ukem ntre ke edi ye ndidi ufan Abasi. Kere ban̄a se Bible etịn̄de aban̄a emi:

Tịn̄ ikọ nọ Jehovah kpukpru ini ke akam. “Ẹkọbọ ke edibọn̄ akam.”—Rome 12:12.

Kot Ikọ Abasi, kpa Bible. “Kpukpru n̄wed, eke ẹdade odudu Spirit Abasi ẹwet, ẹnyụn̄ ẹdi se ifọnde ndida n̄kpep owo n̄kpọ, nnyụn̄ nsua nnọ owo, nnyụn̄ nnam owo ẹsan̄a nte enende.”—2 Timothy 3:16.

Kpep mbon efen n̄kpọ ban̄a Abasi. “Mbufo ẹka ẹkenam kpukpru mme idụt ẹdi mbet Mi, . . . ẹkpep mmọ ẹnam kpukpru n̄kpọ eke n̄ketemede mbufo.”—Matthew 28:19, 20.

 San̄a kpere mme ufan Abasi. “Owo eke asan̄ade ye mme ẹnyene-ibuot eyenyene ibuot.”—Mme N̄ke 13:20.

Dụk mme mbono esop ke Ufọkmbono Obio Ubọn̄. “Ẹyak nnyịn inyụn̄ ikere nte ikpedemerede kiet eken inọ ima ye nti utom, . . . inọ kiet eken item.”—Mme Hebrew 10:24, 25.

Tiene nọ utom Obio Ubọn̄ ibetedem. “Yak kpukpru owo kiet kiet ọnọ nte enye akaduakde ke esịt esie: okûnọ ye mfụhọ-esịt, okûnyụn̄ ọnọ oto ke edinyenyịk; koro Abasi amama owo eke ọnọde ke inemesịt.”—2 Corinth 9:7.