Be ka se isịnede

Nso Ikeme Ndinam Ubon Ẹkop Inemesịt?

Nso Ikeme Ndinam Ubon Ẹkop Inemesịt?

Ndi ekere ke edi . . .

  • ima?

  • okụk?

  • n̄kpọ en̄wen?

 SE BIBLE ETỊN̄DE

“Mbon oro ẹkopde ikọ Abasi ẹnyụn̄ ẹnamde enye ẹkop inemesịt!”—Luke 11:28, Edikabade Eke Obufa Ererimbot.

UFỌN ORO AFO EKEMEDE NDIBỌ NTO EMI

Ata ima.—Ephesus 5:28, 29.

Ata ukpono.—Ephesus 5:33.

Ata ifụre.—Mark 10:6-9.

 NDI IMEKEME NDINỊM SE BIBLE ETỊN̄DE?

Ih, imenyene ntak iba ke nsụhọde n̄kaha ndinịm:

  • Abasi ọkọtọn̄ọ ubon. Bible ọdọhọ ke Jehovah Abasi ‘osio kpukpru ubon enyịn̄.’ (Ephesus 3:14, 15) Oro ọwọrọ ke nnyịn inyene ubon mfịn sia edide Jehovah ọkọtọn̄ọ ubon. Ntak emi edide akpan n̄kpọ?

    Kere ise: Edieke afo adiade ata edinem udia onyụn̄ oyom ndidiọn̄ọ mme n̄kpọ oro ẹkedade ẹtem udia oro, anie ke okpobụp? Ọkpọfọn obụp owo oro eketemde udia oro.

    Kpasụk ntre, man ifiọk se ikpanamde uwem ubon enem, ọkpọfọn iberi edem ke Jehovah emi ọkọtọn̄ọde ubon.—Genesis 2:18-24.

  • Abasi ekere aban̄a fi. Owụt ọniọn̄ mme ubon ndiyom item Jehovah emi enye adade Ikọ esie ọnọ. Ntak-a? ‘Koro enye ekere aban̄a mmọ.’ (1 Peter 5:6, 7) Jehovah oyom n̄kpọ ọfọn ye afo, mme item esie ẹsinyụn̄ ẹnyene ufọn kpukpru ini.—Mme N̄ke 3:5, 6; Isaiah 48:17, 18.

 KERE ISE

Didie ke afo ekeme ndidi eti ebe, n̄wanndọ, ete m̀mê eka?

Bible ọbọrọ mbụme emi ke EPHESUS 5:1, 2 ye COLOSSAE 3:18-21.