Be ka se isịnede

Ndi Ufen Eyetre Tutu Amama?

Ndi Ufen Eyetre Tutu Amama?

Ndi ọkpọbọrọ . . .

  • ih?

  • ihih?

  • ekeme ndidi?

 SE BIBLE ETỊN̄DE

Abasi . . . ọyọkwọhọde kpukpru mmọn̄eyet ke enyịn mmọ efep, n̄kpa, ufen, ntuan̄a m̀mê ubiak idinyụn̄ idụhe aba.”—Ediyarade 21:3, 4, Contemporary English Version.

UFỌN ORO AFO EKEMEDE NDIBỌ NTO EMI

Ọyọsọn̄ọ fi idem ndifiọk nte ke idịghe Abasi esinam nnyịn inyene mfịna.—James 1:13.

Ọyọdọn̄ fi esịt ndifiọk ke Abasi ọfiọk nte esitiede nnyịn ke idem ke ini ibọde ufen.—Zechariah 2:8.

Eyenyene idotenyịn ke kpukpru ufen eyetre.—Psalm 37:9-11.

 NDI IMEKEME NDINỊM SE BIBLE ETỊN̄DE?

Ih, imenyene ntak iba ke nsụhọde n̄kaha ndinịm:

  • Abasi imaha ufen ye ukwan̄ikpe. Kere nte eketiede Jehovah Abasi ke idem ke ini ẹkenamde n̄kpọ ye ikọt esie ke idiọk usụn̄ ke eyo Bible. Bible ọdọhọ ke esịt ikenemke enye ke ntak “mbon oro ẹkefiomode mmọ.”—Judges 2:18, Edikabade Eke Obufa Ererimbot.

    Abasi isinemke esịt ye mbon oro ẹnamde owo ibak. Ke uwụtn̄kpọ, Bible ọdọhọ ke “ubọk eke ọduọkde iyịp eke mîduehe” edi n̄kpọ mbubiam ke enyịn Abasi.—Mme N̄ke 6:16, 17.

  • Abasi ekere aban̄a nnyịn owo kiet kiet. Idịghe nnyịn owo kiet kiet kpọt idiọn̄ọ “ufen ye ubiak” emi ibọde, Jehovah n̄ko ọdiọn̄ọ!2 Chronicle 6:29, 30.

Ibịghike, Jehovah ayanam ufen oro nnyịn owo kiet kiet ibọde etre, ndien enye edida Obio Ubọn̄ esie anam emi. (Matthew 6:9, 10) Kan̄a ke emi, enye ke ọdọn̄ mbon oro ẹnen̄erede ẹyom enye, esịt.—Utom 17:27; 2 Corinth 1:3, 4.

 KERE ISE

Ntak emi Abasi ayakde mme owo ẹbọ ufen?

Bible ọbọrọ mbụme emi ke ROME 5:12 ye 2 PETER 3:9.