Be ka se isịnede

Didie ke Afo Ada Bible?

Didie ke Afo Ada Bible?

Ndi ọkpọdọhọ ke enye edi . . .

  • n̄wed ifiọk owo?

  • n̄wed n̄ke ye mbụkeset?

  • Ikọ Abasi?

 SE BIBLE ETỊN̄DE

“Abasi ọkọnọ odudu spirit ẹda ẹwet ofụri N̄wed Abasi.”—2 Timothy 3:16, Edikabade Eke Obufa Ererimbot.

UFỌN ORO AFO EKEMEDE NDIBỌ NTO EMI

Eyenyene nnennen ibọrọ ọnọ mme akpan mbụme oro ẹsibụpde.—Mme N̄ke 2:1-5.

Oyokụt eti ndausụn̄ ke nte okpodude uwem ke usen ke usen.—Psalm 119:105.

Eyenyene ata idotenyịn kaban̄a ini iso.—Rome 15:4.

 NDI IMEKEME NDINỊM SE BIBLE ETỊN̄DE?

Ih, imenyene ntak ita ke nsụhọde n̄kaha ndinịm:

  • N̄kemuyo emi akpade owo idem. Nsio nsio owo 40 ẹkewet Bible ke se ibede ufan̄ isua 1,600. Ata ediwak mmọ akanam isoboke ye kiet eken. Kpa ye oro, ofụri Bible odu ke n̄kemuyo, onyụn̄ enyene akpan ibuotikọ kiet!

  • Mbụk akpanikọ. Mme ewetmbụk ererimbot isiwakke nditịn̄ ke ẹsikan idụt mmọ. Edi mme andiwet Bible ẹma ẹwet ndudue idemmọ ye eke idụt mmọ, idịpke n̄kpọ ndomokiet.—2 Chronicle 36:15, 16; Psalm 51:1-4.

  • N̄tịn̄nnịm ikọ oro ẹkemede ndiberi edem. Isua 200 mbemiso ẹkesobode Babylon eset, Bible ama ebem iso etịn̄ ke emi eyetịbe. (Isaiah 13:17-22) Enye iketịn̄ke nte ẹdisan̄ade ẹkan Babylon kpọt edi ama akam asiak enyịn̄ owo oro edikande enye!—Isaiah 45:1-3.

Kpukpru n̄kpọ oro ẹban̄ade ata ediwak ntịn̄nnịm ikọ Bible en̄wen ẹma ẹsu n̄ko. Edi nte idịghe nte Ikọ Abasi ekpetiede edi oro?​—2 Peter 1:21.

 KERE ISE

Didie ke Ikọ Abasi ekeme ndinam uwem fo ọfọn akan eke idahaemi?

Bible ọbọrọ mbụme emi ke ISAIAH 48:17, 18 ye 2 TIMOTHY 3:16, 17.