Be ka se isịnede

Be ka se isịnede

 IKPEHE 3

Uwem Eketie Didie ke Paradise?

Uwem Eketie Didie ke Paradise?

Jehovah ama ọnọ Adam ye Eve ediwak nti n̄kpọ. Genesis 1:28

Jehovah okobot Eve, akpa an̄wan, onyụn̄ emen enye ọnọ Adam ete edi n̄wan esie.—Genesis 2:21, 22.

Mmọ ẹma ẹfọn ẹma ẹnana ndo ke ini Jehovah okobotde mmọ.

Ebietidụn̄ mmọ ekedi Paradise In̄wan̄ Eden—ata ediye ebiet emi ekenyenede mme akpa, mme eto mfri, ye mme unam.

Jehovah ama esineme nneme ye mmọ, onyụn̄ ekpep mmọ n̄kpọ. Ekpedi mmọ ẹma ẹkop uyo esie, mmọ ẹkpekedu uwem ke nsinsi ke Paradise mi ke isọn̄.

 Abasi ọkọdọhọ mmọ ẹkûdia mfri eto kiet. Genesis 2:16, 17

Angel kiet ama ọsọn̄ ibuot ye Abasi. Idiọk angel oro edi Satan kpa Devil.

Jehovah ama owụt Adam ye Eve eto kiet ke in̄wan̄ oro onyụn̄ ọdọhọ mmọ ke edieke mmọ ẹdiade mfri eto oro ke mmọ ẹyekpan̄a.

Satan ikoyomke Adam ye Eve ẹkop uyo Jehovah. Ntre enye ama ada urụkikọt ọdọhọ Eve ke edieke enye adiade mfri eto oro, ke enye idikpaha, edi ke enye editie nte Abasi. Edi oro ekedi nsu.—Genesis 3:1-5.