Be ka se isịnede

Be ka se isịnede

 IKPEHE 5

Akwa Ukwọ—Mmanie Ẹkekop Se Abasi Etịn̄De? Mmanie Mîkokopke?

Akwa Ukwọ—Mmanie Ẹkekop Se Abasi Etịn̄De? Mmanie Mîkokopke?

Ata ediwak owo ke eyo Noah ẹma ẹnam ndiọi n̄kpọ. Genesis 6:5

Adam ye Eve ẹma ẹnyene nditọ, ndien mme owo ẹma ẹwak ke isọn̄. Nte ini akakade, ndusụk angel ẹma ẹtiene Satan ẹsọn̄ ibuot.

Mmọ ẹma ẹdi isọn̄ ẹdimen obụkidem owo ẹsịne man ẹkpedọ iban. Iban oro ẹma ẹman ata n̄kpọsọn̄ nditọ emi ẹketiede obom obom.

Mme idiọkowo ẹma ẹyọhọ ererimbot. Bible ọdọhọ ete: “Idiọkn̄kpọ owo [awak] ke isọn̄ ndien kpukpru n̄kpọ ke ekikere esịt owo ẹsụk ẹdi idiọk kpukpru ini.”

 Noah ama okop uyo Abasi onyụn̄ ọkọn̄ ubom. Genesis 6:13, 14, 18, 19, 22

Noah ekedi eti owo. Jehovah ama ọdọhọ Noah ke imọn̄ ida akwa ukwọ isobo mme idiọkowo.

Abasi ama ọdọhọ n̄ko ete Noah ọkọn̄ akwa ubom onyụn̄ asan̄a ye ofụri ufọk esie ye kpukpru orụk unam odụk.

Noah ama ọtọt mme owo aban̄a Ukwọ oro, edi mmọ ikakpan̄ke utọn̄. Ndusụk mmọ ẹkesasak enye; mmọ eken ẹsua enye.

Ke Noah ama ọkọkọn̄ ubom ama, enye ama atan̄ mme unam ọdọn̄ ke esịt.